'కోడెల ఆత్మహత్య చేసుకోవడం విషాదకరం'

ఆంధ్రప్రదేశ్​ మాజీ స్పీకర్​ కోడెల మృతికి కేంద్ర హోంశాఖ సహాయ మంత్రి కిషన్​రెడ్డి సంతాపం తెలిపారు. కోడెల ఆత్మహత్య చేసుకోవడం విషాదకరమంటూ... ఆయన మరణంపై ప్రభుత్వం సమగ్ర దర్యాప్తు చేయాలని కోరారు.

కోడెల శివప్రసాదరావు ఆత్మహత్య చేసుకోవడం విషాదకరమన్నారు కేంద్ర హోంశాఖ సహాయ మంత్రి కిషన్​రెడ్డి చెప్పారు. ఏ రాజకీయ కుటుంబంలోనూ ఇటువంటి ఘటనలు జరగరాదన్నారు. కోడెల ఆత్మహత్యపై విచారణ కొనసాగుతోందని... రాష్ట్ర ప్రభుత్వం సమగ్ర దర్యాప్తు చేయాలని ఆయన కోరారు. ఈ ఘటనపై డీజీపీ, సీఎస్​తో మాట్లాడనున్నట్లు కిషన్​రెడ్డి తెలిపారు. నల్లమల అడవుల్లో యురేనియం తవ్వకాల విషయంలో కాంగ్రెస్ అసత్య ఆరోపణలు చేస్తోందని కేంద్రమంత్రి ఆగ్రహం వ్యక్తం చేశారు.

ఇదీ చదవండిః పదవులకు గౌరవం తెచ్చిన నాయకుడు కోడెల: బాలకృష్ణ