మత సామరస్యాన్ని చాటుకున్న క్రైస్తవులు

హైదరాబాద్​ చిక్కడపల్లిలోని వినాయక దేవాలయంలో సేవా భారత్​ క్రైస్తవ సంస్థ మానవతా దృక్పథంతో అర్చకులు, పురోహితులు, పేద బ్రాహ్మణులకు నిత్యావసర సరుకులను పంపిణీ చేశారు. లాక్​డౌన్​ సమయంలో శుభకార్యాలు లేక ఆర్థికంగా ఇబ్బందులు పడకూడదనే ఉద్దేశంతో కార్యక్రమం నిర్వహించారు.

లాక్​డౌన్​ సమయంలో శుభ, వివాహ ఇత్యాది కార్యక్రమాలు లేక ఆర్థికంగా ఇబ్బందులకు గురవుతున్న అర్చకులు, పురోహితులు, పేద బ్రాహ్మణులకు సేవా భారత్​ క్రైస్తవ సంస్థ మానవతా దృక్పథంతో నిత్యావసర సరుకుల పంపిణీకి ముందుకువచ్చారు.

హైదరాబాద్​ చిక్కడపల్లిలోని వినాయక దేవాలయంలో సేవా భారత్​ సంస్థ వారు పురోహితులకు ఒక్కొక్కరికి నెలకు సరిపడా బియ్యం, నిత్యావసర సరుకులను అందజేశారు. కులమతాలకు అతీతంగా పురోహితులను ఆదుకున్నందుకు బ్రాహ్మణులు ఆనందం వ్యక్తం చేశారు.