కీలక పోరుకు ముందు రియల్ మాడ్రిక్కు ఎదురుదెబ్బ తగిలింది. ఈ జట్టు మిడ్ఫీల్డర్ టోనీ క్రూస్ కరోనా బారిన పడటం వల్ల ఇతడు ప్రస్తుతం ఐసోలేషన్లో ఉన్నట్లు తెలిపింది క్లబ్. ఫైనల్ పోరులో అతడు ఆడట్లేదని వెల్లడించింది.
"మా జట్టు ప్లేయర్ టోనీ క్రూస్కు కరోనా పాజిటివ్గా తేలింది. శుక్రవారం నుంచి అతడు ఐసోలేషన్లో ఉంటున్నాడు. అతడు ఫైనల్ పోరులో ఆడట్లేదు" అని ప్రకటన జారీ చేసింది రియల్ మాడ్రిడ్ క్లబ్.
ఆదివారం అట్లెటికో బిల్బావోతో జరిగిన మ్యాచ్లో విజయం సాధించింది రియల్ మాడ్రిడ్. అయినా కూడా లా లిగా టైటిల్ కోసం కాస్త వెనకబడి ఉంది. ప్రస్తుతం అట్లెటిటో మాడ్రిడ్ పాయింట్ల పట్టికలో అగ్రస్థానంలో కొనసాగుతుండగా రియల్ మాడ్రిడ్ రెండో స్థానంలో ఉంది. ఈ రెండు జట్ల మధ్య రెండు పాయింట్ల వ్యత్యాసం ఉంది.
రియల్ మాడ్రిడ్ టైటిల్ గెలవాలంటే తన ఆఖరి మ్యాచ్లో విల్లేరియల్పై కచ్చితంగా గెలిచి తీరాలి. అలాగే అట్లెటికో.. వల్లాడోలిడ్ చేతిలో ఓటమి చెందాలి. అలా అయితేనే జిందానే జట్టు టైటిల్ కైవసం చేసుకుంటుంది.
