అబుదాబి వేదికగా రాజస్థాన్ రాయల్స్ జట్టుతో తలపడ్డ సన్రైజర్స్ హైదరాబాద్ అద్భుతంగా గెలిచింది. మనీష్ పాండే, విజయ్ శంకర్ చక్కగా ఆడి జట్టు విజయంలో కీలక పాత్ర పోషించారని కెప్టెన్ డేవిడ్ వార్నర్ ఈ సందర్భంగా అన్నాడు.
"ఆటను ప్రారంభించిన తీరే అద్భుతం. పవర్ ప్లే తర్వాత మరింత రాణించాం. కానీ, దిగ్గజ బౌలర్లను ఎదుర్కోవడం కష్టంగా అనిపిస్తుంది. వేగమైన బంతులను ఆడుతూ ఎక్కువ పరుగులు చేయలేం. మా జట్టులో జేసన్ బౌలింగ్ బాగా చేశాడు. మా జట్టులోనూ మిడిలార్డర్ దృఢంగా ఉందని ప్రజలకు చూపించాం. నేను గతంలో చెప్పినట్లు..మా జట్టు కూడా ఛేదనలో బాగానే రాణిస్తోంది".
-డేవిడ్ వార్నర్, సన్రైజర్స్ హైదరాబాద్ కెప్టెన్.
ఈ మ్యాచ్ గెలిచి ప్లే ఆఫ్స్ ఆశలు సజీవం చేసుకుంది సన్రైజర్స్ హైదరాబాద్.
ఇదీ చదవండి:హైదరాబాద్ అద్భుత విజయం.. ఆశలు సజీవం
