ఇంగ్లాండ్తో శుక్రవారం జరిగిన తొలి టీ20లో 18 పరుగుల తేడాతో ఓడిపోయింది భారత మహిళల జట్టు. వర్షం కారణంగా మ్యాచ్ సగంలోనే ఆగిపోయింది. దీంతో డక్వర్త్ లూయిస్ పద్ధతిలో ఇంగ్లాండ్ గెలుపోందింది.
టాస్ ఓడి తొలుత బ్యాటింగ్కు దిగిన ఇంగ్లాండ్.. నటాలియే సివర్ అద్భుత అర్ధశతకం(55) సహా ఏ జోన్స్(43) రాణించగా 177/7 పరుగులు చేసింది. భారత బౌలర్లలో శిఖా పాండే 3/22 వికెట్లతో మెరుగైన ప్రదర్శన చేసింది.
అనంతరం బ్యాటింగ్కు దిగిన టీమ్ఇండియా.. తొలి ఓవర్ రెండో బంతికే ఓపెనర్ షెఫాలీ వర్మ వికెట్ కోల్పోయింది. స్మృతి మంధాన (29) ఫర్వాలేదనిపించింది. భారత్.. 8.4 ఓవర్లలో 54/3 పరుగుల వద్ద ఉన్నప్పుడు వర్షం కారణంగా మ్యాచ్ నిలిచిపోయింది. దీంతో డక్వర్త్ లూయిస్ ప్రకారం 18 పరుగుల తేడాతో మ్యాచ్ ఇంగ్లాండ్ వశమైంది.
ఇదీ చూడండి: శ్రీలంక జట్టులో కరోనా కలకలం.. భారత్తో సిరీస్ జరిగేనా?
