చెపాక్లో సరైన లెంగ్త్, వేగంతో బంతిని విసరకపోతేనే.. పిచ్ బౌలర్లకు సవాల్గా మారుతుందని చెప్పాడు టీమ్ఇండియా లెఫ్ట్ఆర్మ్ స్పిన్నర్ అక్సర్పటేల్. స్పిన్కు అనుకూలించే పిచ్ల విషయమై ఇంగ్లాండ్ జట్టు తమ ఆలోచన విధానాన్ని మార్చుకోవాలని సూచించాడు. చెపాక్ పిచ్ నాణ్యత లేదని పలువురు మాజీలు విమర్శించిన నేపథ్యంలో ఈ వ్యాఖ్యలు చేశాడు అక్సర్.
"చెపాక్ పిచ్పై సరైన లెంగ్త్, వేగంతో విసిరితేనే బంతి టర్న్ అవుతుంది. లేదంటే బంతి స్పిన్ అవ్వదు. అదే బంతిని సరిగ్గా విసిరితే వాటిని ఎదుర్కోవడం బ్యాట్స్మన్కు కష్టమవుతుంది. ఏదేమైనప్పటికీ ఈ వికెట్/పిచ్పై మేం బాగానే ఆడాం. మేం పరుగులు చేయగలిగినప్పుడు వారికి ఇలాంటి సమస్యలు ఉంటాయని అనుకోను. పిచ్ గురించి వాళ్లు తమ ఆలోచనను మార్చుకుంటే బాగుంటుంది. ఇంగ్లాండ్ వంటి చోట్ల సీమింగ్(ఫాస్ట్ బౌలింగ్) వికెట్లపైనా మేం ఆడతాం కదా." అని అక్సర్ ప్రశ్నించాడు.
కాగా, ఇంగ్లాండ్తో జరిగిన తొలి టెస్టుకు గాయం కారణంగా తాను దూరమయినప్పటికీ చికాకు, బాధ పడకుండా.. రెండో టెస్టుపై దృష్టి సారించినట్లు చెప్పాడు. ఫిట్నెస్ కోసం బాగా కసరత్తులు చేసినట్లు వెల్లడించాడు. ఈ మ్యాచుతోనే టెస్టు అరంగేట్రం చేసిన అతడు.. ఈ పోరులో ఇప్పటికీ రెండు వికెట్లు తీశాడు.
ఇదీ చూడండి: అశ్విన్.. టీమ్ఇండియాకు అలా 'అన్న'గా మారాడు
