భారత జట్టు ఓపెనర్ శిఖర్ ధావన్ వరుస గాయాలతో సతమతమవుతున్నాడు. నిలకడగానే రాణిస్తున్నా.. ఎదురుదెబ్బలు తప్పట్లేదు. ప్రపంచకప్లో వేలి గాయం కారణంగా టోర్నీ మధ్యలోనే వైదొలిగిన ధావన్.. ఆ తర్వాత ముస్తాక్ అలీ ట్రోఫీలో రీఎంట్రీ ఇచ్చి మళ్లీ గాయపడ్డాడు. చాలా రోజుల విరామం తర్వాత ఆస్ట్రేలియాతో వన్డే సిరీస్కు ఎంపికైన ఇతడు.. వరుసగా 96, 74 పరుగులు చేసి మంచి ఫామ్ నిరూపించుకున్నాడు. అయితే మూడో మ్యాచ్లో శిఖర్ భుజానికి గాయమైంది. ఫలితంగా ఈ నెల 24 నుంచి మొదలయ్యే న్యూజిలాండ్ పర్యటనకు దూరమయ్యాడు. త్వరలోనే మరో ఆటగాడి ఎంపికపై నిర్ణయం తీసుకోనుంది సెలక్షన్ కమిటీ.
ఈ పర్యటనలో భాగం 5 టీ20ల సిరీస్‌ను ఆడనుంది భారత్. తర్వాత మూడు వన్డేలు, రెండు టెస్టుల్లో కివీస్తో తలపడనుంది. అయితే వన్డేలకు ధావన్ ఎంపికయ్యే అవకాశముంది.
ఇప్పటికే సీనియర్‌ పేసర్‌ ఇషాంత్‌ శర్మ చీలమండ గాయంతో టోర్నీకి దూరం కానున్నాడు. హార్దిక్ పాండ్య ఫిట్నెస్ను సెలక్టర్లు పరీక్షిస్తున్నారు. ఇప్పటికే టీ20 సిరీస్ కోసం జట్టును ప్రకటించగా వన్డే, టెస్టులకు త్వరలో జట్టును ఎంపిక చేయనున్నారు.
భారత్ టీ20 జట్టు:
విరాట్‌ కోహ్లీ (కెప్టెన్‌), రోహిత్‌ శర్మ (వైస్‌ కెప్టెన్‌), కేఎల్ రాహుల్‌, శిఖర్ ధావన్, శ్రేయస్ అయ్యర్‌, మనీశ్‌ పాండే, రిషభ్‌ పంత్‌, శివమ్‌ దూబే, కుల్‌దీప్ యాదవ్, యుజువేంద్ర చాహల్‌, వాషింగ్టన్ సుందర్‌, జస్ప్రీత్ బుమ్రా, మహ్మద్‌ షమి, నవదీప్‌ సైని, రవీంద్ర జడేజా, శార్దూల్ ఠాకూర్‌.
ఇవీ చదవండి...
