గతేడాది ఐపీఎల్ అరంగేట్రం చేసి ఉత్తమ ప్రదర్శనతో అందరి దృష్టిని ఆకర్షించాడు రాజస్థాన్ రాయల్స్ ఆటగాడు రియాన్ పరాగ్. బెన్ స్ట్రోక్స్, స్టీవ్ స్మిత్లు చెప్పిన మెలకువలతో భయపడకుండా ఆడానని తెలిపాడు. అస్సోంకు చెందిన రియాన్ కోల్కతా నైట్రైడర్స్తో జరిగిన మ్యాచ్లో 31 బంతుల్లో 47 పరుగులు సాధించి వార్తల్లో నిలిచాడు. గతేడాది ఈ టోర్నీలో 7 మ్యాచ్లకు ప్రాతినిధ్యం వహించి 130 స్ట్రైక్రేట్తో 160 పరుగులు సాధించాడు.
"ఐపీఎల్లో రాజస్థాన్ రాయల్స్ జట్టులో స్థానం లభించటం చాలా ఆనందంగా ఉంది. నేను తొలిసారి బ్యాట్ పట్టుకొని మైదానంలో అడుగుపెట్టినప్పుడు యంఎస్ ధోని కీపింగ్ చేయటం చాలా ఆనందాన్ని కలిగించింది. ధోని, కోహ్లీ, జోస్ బట్లర్ లాంటి పెద్దపెద్ద వారితో ఆడటం నాకు దక్కిన గౌరవంగా భావిస్తాను."
-- రియాన్ పరాగ్, రాజస్థాన్ రాయల్స్ ఆటగాడు
మరోవైపు తన బ్యాటింగ్ శైలి ద్వారా పలువురు బ్యాటర్లను అనుకరించే ప్రయత్నం చేశానని పరాగ్ తాజాగా వెల్లడించాడు. వారిలో ప్రధానంగా భారత మహిళా క్రికెటర్ స్మృతి మంధాన, టీమ్ఇండియా వైస్ కెప్టెన్ రోహిత్ ఆటతీరును అనుకరించినా.. అది వర్కౌట్ కాలేదని తెలిపాడు. చివరికి అండర్-19 ప్రపంచకప్లో విరాట్ కోహ్లీని అనుసరించి బ్యాటింగ్లో రాణించానని తెలిపాడు. ప్రస్తుతం తన సొంత బ్యాటింగ్శైలిపై దృష్టి పెడుతున్నట్టు వెల్లడించాడు.
ఇదీ చూడండి.. 'ఐపీఎల్ కోసం ఆసియాకప్ వాయిదా వేస్తే సహించం'
