లవర్స్ డే: టాలీవుడ్​లో ప్రేమికుల సినిమా సందడి

టాలీవుడ్​లో ప్రేమికుల సందడి నెలకొంది. లవర్స్​ డే సందర్భంగా పలు చిత్రాల్లోని పాటలు, విడుదల తేదీలతో పాటు కొత్త పోస్టర్లను ప్రేక్షకుల ముందుకు తీసుకొచ్చాయి చిత్రబృందాలు. ఆ విశేషాలేంటో తెలుసుకుందాం.

టాలీవుడ్​లో ప్రేమకథా చిత్రాలకు పెద్దపీట వేస్తారు. అందుకోసం యువతను ఆకట్టుకునే విధంగా సినిమాలను రూపొందిస్తారు. అలాంటప్పుడు ప్రేమికుల రోజంటే ఏదో ఒక స్పెషల్ ఉండాలిగా. అలాంటి ప్రయత్నమే చేశాయి చిత్రబృందాలు. నేడు వాలంటైన్స్ డే సందర్భంగా పలు చిత్రాల్లోని సాంగ్స్​, ట్రైలర్స్​, విడుదల తేదీలతో పాటు కొత్త పోస్టర్లను ప్రేక్షకుల ముందుకు తీసుకొచ్చాయి.

ధనుష్​ హీరోగా ఆర్​.ఎస్​ దురై సెంతిల్​కుమార్​ దర్శకత్వంలో తెరకెక్కిన చిత్రం 'లోకల్​ బాయ్'​. ఇటీవల విడుదలైన ఈ సినిమా ట్రైలర్ ప్రేక్షకులను అమితంగా ఆకట్టుకుంటోంది. తాజాగా ప్రేమికుల దినోత్సవం సందర్భంగా ఈ చిత్ర విడుదల తేదీని ఖరారు చేసింది చిత్రబృందం. ఫిబ్రవరి 28న ప్రేక్షకుల ముందుకు తీసుకురానున్నట్లు ప్రకటించింది. మెహరీన్​ కథానాయిక. నవీన్​ చంద్ర ప్రధాన పాత్రలో నటిస్తున్నాడు.

లోకల్​ బాయ్

సుజోయ్​, సుశీల్​ సంయుక్తంగా దర్శకత్వం వహించిన చిత్రం 'ప్రెషర్​ కుక్కర్'​. సాయి రోనాక్​ హీరో. ఇప్పటికే విడుదలైన ఈ సినిమా ట్రైలర్​ నెట్టింట విశేష ఆదరణ పొందుతోంది. తాజాగా వాలంటైన్స్​ డే స్పెషల్​గా ఈ సినిమా విడుదల తేదీని ప్రకటించింది చిత్రబృందం. ఈ నెల 21న థియేటర్లలో సందడి చేయనుందీ మూవీ. రాహుల్​ రామకృష్ణ, తనికెళ్ల భరణి తదితరులు ప్రధాన పాత్రలు పోషించారు.

'ప్రెజర్​ కుక్కర్'

బ్రహ్మాజీ తనయుడు సంజయ్​ రావు హీరోగా పరిచయమవుతోన్న చిత్రం 'ఓ పిట్ట కథ.' చందు ముద్దు దర్శకత్వం వహిస్తున్నాడు. కాగా లవర్స్​ డే సందర్భంగా 'ఏమై పోతానే' పాటను ప్రేక్షకుల ముందుకు తీసుకొచ్చింది చిత్రబృందం.

• " class="align-text-top noRightClick twitterSection" data="">
  

పులి వాసు దర్శకత్వంలో మెగా అల్లుడు కల్యాణ్​ దేవ్​ హీరోగా తెరకెక్కుతోన్న చిత్రం 'సూపర్​ మచ్చి'. ఈ మూవీలో బాలీవుడ్​ బ్యూటీ రియా చక్రవర్తి కథానాయిక. కాగా ఈ సినిమాను వేసవి సెలవుల్లో విడుదల చేయనున్నట్లు చిత్రబృందం ప్రకటించింది. ఎస్​ ఎస్​ తమన్​ సంగీతాన్ని అందిస్తున్నాడు.

సూపర్​ మచ్చి

ఫలక్​నుమాదాస్​తో ప్రేక్షకులను ఆకట్టుకున్న విశ్వక్​ సేన్​.. మరోసారి 'హిట్'​ చిత్రంతో అలరించేందుకు వస్తున్నాడు. శైలేష్​ కొలను దర్శకత్వంలో తెరకెక్కుతోన్న ఈ సినిమా ప్రోమో ఇటీవల విడుదలై అంచనాలను పెంచేసింది. తాజాగా ఈ చిత్రాన్ని ఫిబ్రవరి 28న థియేటర్లలోకి తీసుకురానున్నట్లు చిత్రబృందం ప్రకటించింది. క్రైమ్​ థ్రిల్లర్​ నేపథ్యంలో సాగనుందీ మూవీ.

హిట్

ప్రముఖ దర్శకుడు పూరి జగన్నాథ్ తనయుడు ఆకాశ్​ పూరి హీరోగా వస్తోన్న చిత్రం 'రొమాంటిక్'​. పూరి, ఛార్మి సంయుక్తంగా నిర్మిస్తోన్న ఈ సినిమాకు అనిల్​ పాదూరి దర్శకుడు. ఇటీవల ఈ సినిమాలోని ఓ సాంగ్​ను విడుదల చేసింది చిత్రబృందం. తాజాగా 'గ్లాన్స్​ ఆఫ్​ రొమాంటిక్'​ పేరుతో మరో పాటను ప్రేక్షకుల ముందుకు తీసుకొచ్చింది. మే 29న ప్రేక్షకుల ముందుకు రానుందీ సినిమా.

• " class="align-text-top noRightClick twitterSection" data="">
  

సుశాంత్​ హీరోగా ఎస్​ దర్శన్​ తెరకెక్కిస్తోన్న చిత్రం 'ఇచ్చట వాహనములు నిలుపరాదు'. తాజాగా ఈ సినిమా నుంచి కొత్త పోస్టర్​ను​ విడుదల చేసి వాలంటైన్స్ డే శుభాకాంక్షలు తెలిపింది చిత్రబృందం. రవిశంకర్​ శాస్త్రి, హరీశ్​ కోయలగుండ్ల సంయుక్తంగా ఈ చిత్రాన్ని నిర్మిస్తున్నారు.

ఇచ్చట వాహనములు నిలుపరాదు

లక్ష్ చదలవాడ కథానాయకుడిగా తెరకెక్కిన చిత్రం 'వలయం'. దిగంగన సూర్యవన్షి కథానాయిక. రమేష్‌ కడుముల దర్శకుడిగా పరిచయమవుతున్నాడు. పద్మావతి చదలవాడ నిర్మిస్తున్నారు. చదలవాడ బ్రదర్స్‌ సమర్పకులు. ఈ నెల 21న చిత్రాన్ని ప్రేక్షకుల ముందుకు తీసుకొస్తున్నారు. తాజాగా ఈ మూవీలోని 'నిన్ను చూశాకే' పాటను విడుదల చేసింది చిత్రబృందం.

• " class="align-text-top noRightClick twitterSection" data="">
  

శ్రీనివాస్​ నాయుడు దర్శకత్వంలో సాయికుమార్​ తనయుడు ఆది హీరోగా వస్తోన్న సినిమా 'శశి'. రాశీ సింగ్​, సురభి తదితరులు ఈ చిత్రంలో ప్రధాన పాత్రల్లో నటిస్తున్నారు. కాగా లవర్స్​ డే సందర్భంగా మూవీకి సంబంధించిన సురభి పోస్టర్​ను విడుదల చేసింది చిత్రబృందం. ఆర్‌.పి.వర్మ, రామాంజనేయులు, చింతలపూడి శ్రీనివాస్‌ నిర్మాతలు. ఈ చిత్రానికి అరుణ్‌ చిలువేరు సంగీతం అందిస్తున్నాడు.

శశి