హీరో నితిన్ ఈ ఏడాదిలో 'చెక్‌', 'రంగ్‌ దే' వంటి చిత్రాలతో ప్రేక్షకుల్ని అలరించారు. ప్రస్తుతం ఆయన మేర్లపాక గాంధీ దర్శకత్వంలో తెరకెక్కుతున్న 'మ్యాస్ట్రో' సినిమాలో నటిస్తున్నారు. ఆ సినిమా సెట్స్‌పై ఉండగానే 'నా పేరు సూర్య- నా ఇల్లు ఇండియా' దర్శకుడు వక్కంతం వంశీతో ఓ సినిమా చేసేందుకు నితిన్ గ్రీన్ సిగ్నల్ ఇచ్చారని సమాచారం. ఈ చిత్రాన్ని ఠాగూర్‌ మధు నిర్మిస్తారని.. ఆగస్టులో సినిమా సెట్స్ పైకి వెళ్లనుందని టాలీవుడ్లో ప్రచారం జరుగుతోంది.
రొమాంటిక్‌, కామెడీ సన్నీవేశాలతో పాటు హై వోల్టేజ్‌ యాక్షన్‌ డ్రామా నేపథ్యంగా సినిమాను రూపొందించనున్నారట. ఇందులో నితిన్ పాత్ర ఓ ప్రత్యేకతను కలిగి ఉంటుందనే వార్తలొస్తున్నాయి. చిత్రంలో నటీనటులు సాంకేతిక సిబ్బంది ఎవరనేది ఇంకా తెలియదు. ప్రస్తుతం ఉన్న కొవిడ్-19 రెండోదశ తగ్గగానే సినిమాకు సంబంధించిన ఇతర తారాగణాన్ని ఎంపిక చేయనున్నారని తెలుస్తోంది. నితిన్ ఇప్పటికే కృష్ణ చైతన్య దర్శకత్వంలో 'పవర్‌ పేట' అనే సినిమాకూ గ్రీన్ సిగ్నల్ ఇచ్చారు.
ఇదీ చూడండి: బిగ్బీ పెళ్లిరోజు.. అరుదైన ఫొటో షేర్
