బాలీవుడ్ జంట దీపికా పదుకొణె, రణ్వీర్ సింగ్‌.. నేడు తిరుమల శ్రీవారిని దర్శించుకోనున్నారు. వీరిద్దరి వివాహం జరిగి ఏడాది అవుతోంది. ఈ సందర్భంగా మొదటి వివాహ వేడుకను కలియుగ దైవం సన్నిధిలో జరుపుకోనుందీ జంట. తాజాగా తిరుపతికి పయనమవుతూ ముంబయి విమానాశ్రయంలో కనిపించారు.
తిరుపతిలో దర్శనం చేసుకున్నాక నవంబర్‌ 15న అమృత్సర్‌లోని స్వర్ణదేవాలయాన్ని సందర్శించి ప్రత్యేక పూజలు నిర్వహించనున్నారు. ఇప్పటికే రణవీర్‌ వివాహ వార్షికోత్సవానికి సిద్ధమవుతున్నాడు. ఈ హీరో ఫేస్‌ ప్యాక్‌ వేసుకున్న ఫొటోలను దీపికా ఇన్‌స్టా వేదికగా షేర్‌ చేస్తూ.. 'మొదటి వివాహ వార్షికోత్సవం కోసం సిద్ధమవుతున్న రణవీర్‌' అని క్యాప్షన్ ఇచ్చింది.
కొన్ని సంవత్సరాలు ప్రేమలో ఉన్న ఈ జంట.. గతేడాది నవంబర్‌ 14న ఇటలీలోని లేక్‌ కోమోలో కొంకిణి, సింథి సంప్రదాయాల ప్రకారం పెళ్లి చేసుకున్నారు. పెళ్లయిన తర్వాత ఈ దంపతులు వివిధ సందర్భాల్లో.. భార్యాభర్తల మధ్య అన్యోన్యతని చాటిచెప్పారు.
దీపికా పదుకొణె-రణవీర్‌ కలిసి '83' సినిమాలో నటిస్తున్నారు. 1983లో టీమిండియా ప్రపంచకప్ గెలిచిన నేపథ్యంగా తెరకెక్కుతోన్న ఈ సినిమాలో... కపిల్‌గా రణవీర్‌.. అతడి భార్య రోమి భాటియాగా దీపిక నటిస్తోంది. ఈ సినిమాతో పాటు యాసిడ్‌ బాధితురాలు లక్ష్మి అగర్వాల్‌ జీవితం ఆధారంగా తెరకెక్కుతోన్న 'ఛపాక్‌' చిత్రంలో నటిస్తోంది దీపిక. బాలీవుడ్‌లో తెరకెక్కుతున్న మహాభారతంలో ద్రౌపదిగానూ కనిపించనుందీ బాలీవుడ్ బ్యూటీ.
- " class="align-text-top noRightClick twitterSection" data="
">
