అక్కినేని కోడలు సమంతపై.. నటి ఛార్మి ప్రశంసల జల్లు కురిపించింది. 'ఓ బేబీ' సినిమా మంచి టాక్‌ అందుకున్న నేపథ్యంలో ఛార్మి ట్వీట్ చేసింది. సినిమా అద్భుతంగా ఉందని కితాబిచ్చింది.
"ఏ టైమ్‌లో పుట్టావమ్మా నువ్వు.. నీ శ్రమ, నీ నిర్ణయాలు, నీ జాతకానికి నమస్కారం.. నందిని రెడ్డి, మిగిలిన చిత్ర బృందం పట్ల చాలా సంతోషంగా ఉంది" అంటూ సామ్ రాక్స్‌, ఓ బేబీ రాక్స్‌ అనే హ్యాష్‌ట్యాగ్‌లను జత చేసింది ఛార్మి. ఈ ట్వీట్కి సామ్ రిప్లై ఇచ్చింది.
"నువ్వు ఎంతో క్యూటెస్ట్‌.. ధన్యవాదాలు ఛార్మి. నీకు నా ఆత్మీయ కౌగిలి, ముద్దుల్ని పంపుతున్నా" అని సమంత ట్వీట్ చేసింది. ‘జ్యోతిలక్ష్మి’ నవ్వుతూ.. ఎమోజీలను పోస్ట్‌ చేసింది.
నందిని రెడ్డి దర్శకత్వం వహించిన 'ఓ బేబీ'లో సినిమాలో లక్ష్మీ, రావు రమేశ్‌, రాజేంద్ర ప్రసాద్‌, నాగశౌర్య కీలక పాత్రలు పోషించారు.
ఇవీ చూడండి.. ఆగస్టు 15న బాక్సాఫీస్ వద్ద త్రిముఖ పోటీ
