సినీపరిశ్రమలో మరో విషాదం.. భోజ్​పురీ నటి​ ఆత్మహత్య

భోజ్​పురీ నటి అనుపమ పాథక్​ ఆదివారం ముంబయిలోని తన నివాసంలో ఆత్మహత్య చేసుకుంది. ఆమె బలవన్మరణానికి పాల్పడే ముందు తన ఫేస్​బుక్​లో ఓ లైవ్​ వీడియోలో చివరిసారిగా మాట్లాడింది. తాను మోసపోయినట్లు పేర్కొంటూ.. ప్రస్తుతం తాను ఎవ్వరినీ నమ్మలేకపోతున్నాని వెల్లడించింది.

భోజ్​పురీ సినీనటి అనుపమ పాథక్​ బలవన్మరణానికి పాల్పడింది. ముంబయిలోని తన నివాసంలో ఆదివారం ఉరివేసుకొని ఆత్మహత్య చేసుకున్నట్లు పోలీసులు వెల్లడించారు. బిహార్​లోని పూర్నియా జిల్లాకు చెందిన అనుపమ.. ముంబయికి వచ్చి భోజ్​పురి సినిమాలు, టీవీ షోలలో నటించింది.

అనుపమ ఆత్మహత్యకు పాల్పడే ముందు రోజు.. తన ఫేస్​బుక్​ ఖాతాలో ఓ వీడియోను పంచుకుంది. అందులో ఆమె మోసపోయినట్లు పేర్కొంటూ.. ప్రస్తుతం తాను ఎవ్వరిని నమ్మలేకపోతున్నాని వెల్లడించింది.

బాలీవుడ్​లో ఆత్మహత్యలు

గత మూడు నెలల వ్యవధిలో ఇద్దరు బాలీవుడ్​ నటీనటులు బలవన్మరణానికి పాల్పడ్డారు. సుశాంత్​సింగ్​ రాజ్​పుత్​.. జూన్​ 14న అతని నివాసంలో ఇదే విధంగా ఆత్మహత్య చేసుకున్నాడు. మే 15న బుల్లితెర నటుడు మన్మీత్​ గ్రెవాల్​ ఉరి వేసుకుని చనిపోయాడు.