జయశంకర్ భూపాలపల్లి జిల్లా రేగొండ మండలంలో రైతు వేదికల నిర్మాణ పనులను పరిశీలించేందుకు భూపాలపల్లి జిల్లా కేంద్రం నుంచి రేగొండకు ప్రభుత్వ వాహనంలో జిల్లా కలెక్టర్ మహమ్మద్ అబ్దుల్ బయలుదేరారు.
రామన్నగూడెం తండా సమీపంలో ప్రధాన రోడ్డుపై అకస్మాత్తుగా ద్విచక్ర వాహనదారుడు అడ్డువచ్చాడు. వెంటనే కలెక్టర్ వాహన డ్రైవర్ అప్రమత్తమై అతన్నీ తప్పించే ఉద్దేశంతో వాహనానికి బ్రేక్ వేస్తూ రోడ్డు కిందికి తీసుకు వెళ్లాడు. దానితో వాహనదారుడు, కలెక్టర్తో సహా సిబ్బంది అందరూ సురక్షితంగా బయట పడ్డారు.
ప్రమాదం జరిగితే వాహనదారునికి, కలెక్టర్ వాహనం అదుపుతప్పి పడిపోతే కలెక్టర్కు ప్రాణహాని జరిగేది. కలెక్టర్ డ్రైవర్ అప్రమత్తతతో ప్రమాదం నివారించబడింది. వెంటనే రేగొండ పోలీసులకు సమాచారం అందించగా స్పందించిన పోలీసులు వాహనదారుడిని అదుపులోకి తీసుకున్నారు.
ఇదీ చదవండి: చెరువు కత్వాలో పడి బాలుడు మృతి
