ఐరోపాలో కరోనా తీవ్రరూపం దాల్చుతోందని ప్రపంచ ఆరోగ్య సంస్థ (డబ్ల్యూహెచ్ఓ) వెల్లడించింది. గడిచిన వారంలో నమోదైన కొత్త కేసుల్లో సగం ఐరోపాలోనే వెలుగుచూశాయని పేర్కొంది డబ్ల్యూహెచ్ఓ.
అంతకుముందు వారంతో పోల్చితే ఐరోపా దేశాల్లో కరోనా మరణాలు 46 శాతం పెరిగాయని డబ్ల్యూహెచ్ఓ తెలిపింది. అమెరికాలోనూ కరోనా మృతుల సంఖ్య పెరిగిందని... అయితే అది కేవలం 2 శాతమేనని నివేదికలో పేర్కొంది.
ఐరోపాలో ఫ్రాన్స్, ఇటలీ, బ్రిటన్ దేశాల్లో భారీ సంఖ్యలో కరోనా కేసులు వెలుగుచూస్తుండగా.. అండోరా, చెక్ రిపబ్లిక్, బెల్జియం దేశాల్లో సగటు కేసుల రేటులో పెరుగుదల కనిపిస్తుందని డబ్ల్యూహెచ్ఓ తెలిపింది.
ఇదీ చూడండి: అమెరికాలో కాల్పుల కలకలం -నలుగురు మృతి
