ఇరాన్​లో 40వేలు దాటిన కరోనా మరణాలు

ప్రపంచ దేశాలపై కొవిడ్ పంజా విసురుతోంది. సగటున రోజుకు 5 లక్షలకు పైగా కొత్త కేసులు నమోదవుతున్నాయి. ఇప్పటివరకు 5.26 కోట్ల మందికి వైరస్ సోకింది. ప్రస్తుతం కోటి 45 లక్షల యాక్టివ్ కేసులున్నాయి. ఇరాన్​లో మృతుల సంఖ్య 40వేల మార్కును దాటింది. పాకిస్థాన్​లోనూ కేసులు పెరుగుతున్నాయి.

ప్రపంచవ్యాప్తంగా కొవిడ్​ విజృంభణ కొనసాగుతోంది. ఇప్పటివరకు 5 కోట్ల 26 లక్షల మందికి పైగా వైరస్​ బారినపడ్డారు. వీరిలో దాదాపు 12.92 లక్షల మంది ప్రాణాలు కోల్పోయారు. ప్రస్తుతం ప్రపంచవ్యాప్తంగా కోటి 45 లక్షల యాక్టివ్​ కేసులున్నాయి. ఇప్పటివరకు 3 కోట్ల 67 లక్షల మంది కరోనాను జయించారు.

• కరోనా వ్యాప్తి తీవ్రంగా ఉన్న అమెరికాలో ఇప్పటివరకు 1.07 కోట్ల కేసులు నమోదయ్యాయి. వారిలో 2.47 లక్షల మందికిపైగా మరణించారు.
• ఇరాన్​లో కొత్తగా 11 వేల కేసులు నమోదయ్యాయి. దీంతో, మొత్తం కేసుల సంఖ్య 7 లక్షల 26 వేలు దాటింది. వైరస్​ కారణంగా మరిణించిన వారి సంఖ్య భారీగా పెరిగింది. ఇప్పటివరకూ దేశవ్యాప్తంగా 40,000 మంది మృతిచెందారు.
• పాకిస్థాన్​లో మరో 1,808 మందికి వైరస్​ సోకినట్లు తేలింది. ఫలితంగా మొత్తం భాధితుల సంఖ్య 3,49,992కు చేరింది. మరో 34 మంది మృతిచెందడం వల్ల...వైరస్​కు బలైన వారి సంఖ్య 7,055కు పెరిగింది.

కరోనా కేసులు ఇలా...

దేశం	మొత్తం కేసులు	మరణాలు
అమెరికా	10,725,002	247,537
బ్రెజిల్	5,749,007	163,406
ఫ్రాన్స్	1,865,538	42,535
రష్యా	1,858,568	32,032
స్పెయిన్	1,463,093	40,105
అర్జెంటినా	1,273,356	34,531
బ్రిటన్	1,256,725	50,365
కొలంబియా	1,165,326	33,312
ఇటలీ	1,066,401	43,589
మెక్సికో	986,177	96,430