ఓవైపు ప్రపంచ దేశాలు లాక్డౌన్ ఆంక్షలు సడలిస్తుంటే.. మరోవైపు కరోనా వైరస్ విజృంభణ కొనసాగుతూనే ఉంది. అనేక దేశాల్లో రోజురోజుకు రికార్డు స్థాయిలో కేసులు నమోదవుతున్నాయి. మరణాలు కూడా పెరుగుతున్నాయి.
ప్రపంచవ్యాప్తంగా ఇప్పటివరకు 5,710,753మంది కరోనా బారినపడ్డారు. మొత్తం 3,52,869మంది ప్రాణాలు కోల్పోయారు.
| దేశం | కేసులు | మృతులు |
| అమెరికా | 17,25,808 | 1,00,625 |
| బ్రెజిల్ | 394,507 | 24,593 |
| రష్యా | 3,70,680 | 3,968 |
| స్పెయిన్ | 2,83,339 | 27,117 |
| బ్రిటన్ | 2,65,227 | 37,048 |
| ఇటలీ | 2,30,555 | 32,955 |
| ఫ్రాన్స్ | 1,82,722 | 28,530 |
| జర్మనీ | 1,81,288 | 8,498 |
| టర్కీ | 1,58,762 | 4,378 |
దక్షిణ కొరియాలో 50 రోజుల అనంతరం రికార్డు స్థాయిలో 40కేసులు వెలుగుచుశాయి. లక్షలాది మంది పిల్లలు పాఠశాలలకు వెళ్లడం మొదలు పట్టిన తరుణంలో కేసులు పెరగడం అక్కడి ప్రజలను తీవ్ర ఆందోళనకు గురిచేస్తోంది.
అమెరికాలో కేసులతో పాటు మృతుల సంఖ్య కూడా పెరుగుతూనే ఉంది. తాజాగా అగ్రరాజ్యంలో మరణాల సంఖ్య లక్ష దాటింది.
ఆసియా, ఐరోపాలోని పలు దేశాల్లో కరోనా నియంత్రణకు చేపట్టిన చర్యలు ఇప్పుడిప్పుడే ఫలితాలనిస్తున్నాయి.
ప్రపంచదేశాలతో పోల్చితే న్యూజిల్యాండ్లో పరిస్థితులు చాలా మెరుగ్గా ఉన్నాయి. తమ ఆసుపత్రుల్లో చికిత్స పొందుతున్న కరోనా బాధితులు సంఖ్య సున్నా అని న్యూజిల్యాండ్ ఆరోగ్యశాఖ ప్రకటించింది.
