భారత్- అమెరికా సంబంధాలపై కీలక ప్రకటన చేశారు ఆ దేశ విదేశాంగ శాఖ మంత్రి మైక్ పాంపియో. ఆయన భారత విదేశాంగమంత్రి జైశంకర్తో తరచుగా మాట్లడడంపై వివరణ ఇచ్చారు. సరిహద్దు వివాదం సహా వివిధ అంశాలపై చర్చించినట్లు పేర్కొన్నారు.
భారత విదేశాంగమంత్రి ఎస్. శంకర్తో తనకు సన్నిహిత సంబంధాలు ఉన్నట్లు పేర్కొన్నారు పాంపియో. చైనాతో సరిహద్దు వివాదం సహా ఆయా అంశాలు తమ మధ్య చర్చకు వస్తాయని చెప్పారు. చైనా టెలికమ్యూనికేషన్స్ మౌలిక సదుపాయాల ద్వారా ఎదురయ్యే ప్రమాదంపై ఇటీవల చర్చించామని పేర్కొన్నారు.
యాప్ల తొలగింపు మంచిదే..
భారత్లో చైనాకు చెందిన 59 యాప్లపై నిషేధం విధించడం ఆహ్వానించదగిన పరిణామం అన్నారు పాంపియో. చైనా నుంచి భారత్లోని వ్యక్తుల ఫోన్లను నియంత్రించే యాప్లపై నిషేధం విధించడం సరైందేనన్నారు. టిక్టాక్, యూసీ బ్రౌజర్ సహా 59 యాప్లపై భారత్ నిషేధం విధించింది.
ప్రస్తుతం ప్రపంచం ఎదుర్కొంటున్న సవాలును దేశాలు అధిగమిస్తాయని తనకు నమ్మకం ఉన్నట్లు పేర్కొన్నారు పాంపియో.
ఇదీ చూడండి: 'ముందుంది మంచి కాలం- మళ్లీ నా గెలుపు తథ్యం'
