Vishwak Sen Marriage : 2017లో 'వెళ్లిపోమాకే సినిమా'తో టాలీవుడ్ ఆడియెన్స్కు ఇంట్రడ్యూస్ అయిన విశ్వక్ సేన్.. ఆ తర్వాత తరుణ్ భాస్కర్ దర్శకత్వంలో తెరకెక్కిన 'ఈ నగరానికి ఏమైందీ' అంటూ హిట్ అందుకున్నారు. దీంతో ఆయన మంచి గుర్తింపు, క్రేజ్ వచ్చింది. అలా ఓ వైపు మాస్ మసాలా సినిమాలు చేస్తూనే.. మరోవైపు ప్రేమ కథ చిత్రాలతో తన ఫ్యాన్స్, ఆడియెన్స్ను అలరిస్తూ ఉన్నారు. ఫలక్ నుమదాస్, దాస్ కా ధమ్కీ, ముఖ చిత్రం, హిట్ వంటి మాస్ అండ్ డిఫరెంట్ కాన్సెప్ట్ స్టోరీస్తో పాటు పాగల్, అశోక వనంలో అర్జున కల్యాణం, ఓరి దేవుడా లాంటి లవ్ స్టోరీస్ మూవీస్ కూడా చేశారు.
అయితే తాజాగా ఆయన సోషల్ మీడియాలో పెట్టిన కొత్త పోస్ట్ చర్చనీయాంశంగా మారింది. లైఫ్లోకి కొత్త దశలోకి అడుగుపెట్టబోతున్నట్లు చెప్పాడు. "నా ఫ్యాన్స్, శ్రేయోభిలాషులకు.. మీరు ఇన్నాళ్లుగా నాపై కురిపించిన ప్రేమ, నాకిచ్చిన మద్దతుకు కృతజ్ఞుణ్ని. లైఫ్లో మరో కొత్త దశలోకి ప్రవేశించబోతున్నానని తెలియజేసేందుకు సంతోషంగా ఉంది" అని విశ్వక్ రాసుకొచ్చారు. ఆగస్టు 15న పూర్తి వివరాలు వెల్లడించనున్నట్లు తెలిపారు.
ఇక ఇది చూసిన సోషల్ మీడియా యూజర్స్ కచ్చితంగా విశ్వక్ పెళ్లి గురించే చెప్పారని, దానినే అనౌన్స్మెంట్ చేస్తారని కామెంట్స్ పెడుతున్నారు. మరికొందరు మాత్రం ఇంకేదైనా చెప్పబోతున్నారేమో అంటూ కూడా అంటున్నారు. ఏదేమైనప్పటికీ ఈ పోస్ట్ మాత్రం ప్రస్తుతం ఫుల్ వైరల్ అవుతోంది. అంతా దీని గురించి తెగ మాట్లాడేసుకుంటున్నారు.
Vishwak Sen Upcoming Movies : ప్రస్తుతం విశ్వక్ సినిమాల విషయానికి వస్తే... ఆయన చివరగా దాస్ కా ధమ్కీ చిత్రంతో వచ్చారు. కథ పరంగా హిట్ కాకపోయినా కమర్షియల్గా పర్వాలేదనిపించుకున్నారు. కానీ ఆశించిన స్థాయిలో మాత్రం వసూళ్లు రాలేకపోయాయి. ప్రస్తుతం ఆయన 'గామి', 'గ్యాంగ్స్ ఆఫ్ గోదావరి'తో పాటు మరో చిత్రంలో నటిస్తున్నారు. రీసెంట్గా 'గ్యాంగ్స్ ఆఫ్ గోదావరి' ఫస్ట్ లుక్ పోస్టర్, గ్లింప్స్ విడుదలై బాగానే ఆకట్టుకున్నాయి.
తేడా వస్తే నవ్వుతా నరాలు తీస్తాం.. విశ్వక్ సేన్ పవర్ఫుల్ వార్నింగ్ ఎవరికో?
రవితేజ మల్టీ స్టారర్లో విశ్వక్ సేన్.. విలన్గా మంచు మనోజ్?
