Varun Tej and Lavanya Tripathi Vacation : టాలీవుడ్ లవ్ బర్డ్స్ వరుణ్ తేజ్ లావణ్య త్రిపాఠి త్వరలో పెళ్లి బంధంతో ఒక్కటవ్వనున్నారు. సినీ వర్గాల సమాచారం ప్రకారం వీరిద్దరి ఎంగేజ్మెంట్ వేడుక మెగా కుటుంబ సభ్యుల సమక్షంలో జూన్ 9న జరగనుంది. ఈ క్రమంలో ఈ జంట.. తమ ఎంగేజ్మెంట్కు ముందు వెకేషన్కు వెళ్లిందని.. పారిస్ అందాలను ఆస్వాదిస్తూ ఈ జంట వెకేషన్ను ఎంజాయ్ చేస్తోందని ప్రచారం సాగుతోంది.
వారం క్రితం లావణ్య త్రిపాఠి ట్రావెల్ మోడ్ అంటూ ఎయిర్పోర్ట్లో తీసుకున్న తన లేటెస్ట్ సెల్ఫీని అప్లోడ్ చేశారు. అయితే ఈమె ఎక్కడికి వెళ్తోందన్న విషయాన్ని ఎక్కడా ప్రస్తావించలేదు. మరో వైపు వరుణ్ తేజ్ కూడా హాలీడేలో ఉన్నట్లు తెలుస్తోంది. ఆయన ప్రస్తుతం పారిస్లో వెకేషన్ను ఎంజాయ్ చేస్తున్నారు. దీనికి సంబంధించిన ఫొటోలను ఇన్స్టాలో షేర్ చేశారు. దీంతో వీరిద్దరూ ఒకే చోట ఉన్నారంటూ ఫ్యాన్స్ అనుకుంటున్నారు. సోషల్ మీడియాలో వారి పోస్ట్ల కింద విపరీతంగా కామెంట్లు పెడుతున్నారు. కొందరేమో లావణ్య పోస్ట్ కింద.. 'వెల్కమ్ టు మెగా ఫ్యామిలీ', 'వరుణ్ తేజ్తో ఎప్పుడు మీ మ్యారేజ్' అంటూ కామెంట్లు పెడుతున్నారు. మరోవైపు వీరిద్దరూ శుక్రవారం హైదరాబాద్కు తిరిగి రానున్నారని ఆ తర్వాత తమ ఎంగేజ్మెంట్ కోసం సన్నాహాలు చేయనున్నారని టాక్ వినిపిస్తోంది.
- " class="align-text-top noRightClick twitterSection" data="
">
Varun Tej and Lavanya Tripathi Relationship : ఈ ఏడాది జనవరిలో లావణ్య త్రిపాఠి బర్త్డే పార్టీ.. బెంగళూరులో గ్రాండ్గా జరిగింది. దానికి హాజరైన వరుణ్.. లావణ్యకు ఓ కాస్ట్లీ డైమండ్ రింగ్తో ప్రపోజ్ చేశారని.. ఆ ప్రపోజల్కు లావణ్య కూడా ఓకే చెప్పారని అప్పట్లో వార్తలు వచ్చాయి. సరిగ్గా ఓ నెల తర్వాత ఈ రూమర్స్పై స్పందించిన వరుణ్ తేజ్ తండ్రి నాగబాబు.. ఈ ఏడాదిలోనే వరుణ్ పెళ్లిచేసుకోబోతున్నారని.. వధువు వివరాలు త్వరలోనే మీడియాకు తెలియజేస్తామని స్పష్టం చేశారు. దీంతో లావణ్య-వరుణ్ రిలేషన్షిప్ రూమర్స్కు మరింత బలం చేకూరింది. అయితే, ఈ వార్తలపై అటు వరుణ్ తేజ్ గాని, ఇటు లావణ్య త్రిపాఠి గాని ఎక్కడ కూడా స్పందించలేదు.
Varun Tej and Lavanya Tripathi Movies : 'అంతరిక్షం', 'మిస్టర్‌' లాంటి సినిమాల్లో వరుణ్ తేజ్తో స్క్రీన్ షేర్ చేసుకున్నారు లావణ్య త్రిపాఠి. అయితే ఆ రెండు చిత్రాల్లో వీరి మధ్య కెమిస్ట్రీ చూసి వీళ్లిద్దరూ ప్రేమలో ఉన్నారని అందరూ అనుకున్నారు. అంతేకాకుండా వరుణ్ సోదరి నటి నిహారిక వివాహానికి సైతం లావణ్య హాజరైంది. దీంతో ఆ వార్తలకు మరింత బలం వచ్చింది.
