Nandamuri Kalyan Ram NKR 19 : చాలా కాలం త‌ర్వాత 'బింబిసార'తో గ్రాండ్ కమ్బ్యాక్ ఇచ్చారు కల్యాణ్రామ్. 'ప‌టాస్' త‌ర్వాత దాదాపు 8 ఏళ్లకు కల్యాణ్రామ్ ఈ చిత్రంతో క‌మ‌ర్షియ‌ల్ హిట్‌ను సాధించారు. భారీ అంచ‌నాల నడుమ ఆగ‌స్టు 5న రిలీజైన ఈ చిత్రం మొద‌టి షో నుంచి పాజిటివ్ టాక్‌ను తెచ్చుకొని భారీ వసూళ్లను సాధించింది. ఇక ఇప్పుడు అదే జోష్‌లో కల్యాణ్రామ్ తన తదుపరి సినిమాలను పూర్తి చేస్తున్నారు.
ప్రస్తుతం కల్యాణ్రామ్ చేతిలో మూడు సినిమాలున్నాయి. అందులో అమిగోస్‌ ఒకటి. NKR 19గా తెరకెక్కుతున్న ఈ చిత్రానికి రాజేందర్‌ రెడ్డి దర్శకత్వం వహిస్తున్నారు. ఇటీవలే రిలీజైన పోస్టర్‌కు ప్రేక్షకుల నుంచి విశేష స్పందన వచ్చింది. ఇదిలా ఉంటే ఈ చిత్రానికి సంబంధించిన ఓ వార్త నెట్టింట వైరల్గా మారింది.
యాక్షన్ ఎంటర్‌టైనర్‌గా తెరకెక్కుతున్న ఈ చిత్రం ప్రస్తుతం షూటింగ్ శరవేగంగా జరపుకుంటోంది. కాగా ఈ చిత్రాన్ని డిసెంబర్‌ 2న రిలీజ్ చేయాలని మేకర్స్ సన్నాహాలు చేస్తున్నారట. దీనిపై త్వరలోనే అధికారికంగా ప్రకటన రానుందట. కాగా అదే రోజున ధనుశ్ 'సార్‌' సినిమా రిలీజ్ కానుంది. ఈ చిత్రానికి వెంకీ అట్లూరి దర్శకత్వం వహించడం వల్ల తెలుగులోనూ భారీ స్థాయిలో రిలీజ్ అవ్వనుంది.
ఇవీ చదవండి: నెట్టింట వైరల్గా మారిన బన్నీ ఫొటో.. 'పుష్ప-2' షూటింగ్ స్టార్ట్ అయిందా?
ఆఫ్రికాలో రామ్చరణ్ వెకేషన్.. వంట చేస్తూ ఎంజాయ్.. వీడియో చూశారా?
