Movies Updates: అభిమానులు ఎంతో ఆసక్తిగా ఎదురుచూస్తున్న విజయ్ 'బీస్ట్' ట్రైలర్ శనివారం సాయంత్రం సాయంత్రం 6 గంటలకు రిలీజ్ చేయనున్నారు. నెల్సన్ దిలీప్ కుమార్ దర్శకత్వం వహించిన ఈ చిత్రాన్ని సన్పిక్చర్స్ నిర్మించింది. అనిరూధ్ రవిచందర్ సంగీతం అందించారు. పూజా హెగ్డే హీరోయిన్. ఏప్రిల్ 13న చిత్రాన్ని ప్రేక్షకుల ముందుకు తీసుకొస్తున్నట్టు ఇటీవలే ప్రకటించింది చిత్రబృందం.
నందమూరి కల్యాణ్రామ్ హీరోగా తెరకెక్కిన 'బింబిసార' సినిమాకు సంబంధిన అప్డేట్ వచ్చేసింది. మూవీ రిలీజ్ తేదీని శనివారం ఉదయం 11:34 నిమిషాలకు విడుదల చేయనున్నట్లు చిత్రబృందం ప్రకటించింది. టీజర్ను బట్టి చూస్తే.. ఇందులోని విజువల్స్, వాయిస్ ఓవర్, ఎలివేషన్స్ సీన్స్ అయితే అదిరిపోయే రేంజ్లో ఉన్నట్లు తెలుస్తోంది.
రవితేజ ప్రధాన పాత్రలో పాన్ఇండియా స్థాయిలో తెరకెక్కుతున్న 'టైగర్ నాగేశ్వర రావు' నుంచి అప్డేట్ వచ్చింది. ఏప్రిల్ 2న ఈ సినిమా లాంచింగ్ కార్యక్రమానికి మెగాస్టార్ చిరంజీవి.. కేంద్రమంత్రి కిషన్ రెడ్డి హాజరుకానున్నట్లు చిత్రబృందం తెలిపింది. కథానాయికగా నుపూర్ సనన్ నటించనుంది. ఈ చిత్రానికి వంశీ దర్శకత్వం వహిస్తుండగా.. 'ది కశ్మీర్ ఫైల్స్ ప్రొడ్యూసర్' అభిషేక్ అగర్వాల్ నిర్మిస్తున్నారు.
తమిళ స్టార్ హీరో అజిత్‌ కథానాయకుడిగా హెచ్‌.వినోద్‌ తెరకెక్కించిన చిత్రం ‘వలిమై’. ఫిబ్రవరి 24న విడుదలైన ఈ సినిమా ప్రముఖ ఓటీటీ జీ5లో స్ట్రీమింగ్ అవుతోంది. ఈ సినిమాకు ఓటీటీలో విశేష ఆదరణ లభిస్తోంది. ఇప్పటికే స్ట్రీమింగ్లో 500 మిలియన్ల నిమిషాల రికార్డును అధిగమించింది. ఈ సినిమాలో తెలుగు యువ కథానాయకుడు కార్తికేయ ప్రతినాయకుడిగా నటించి మెప్పించాడు.
