Accident: ద్విచక్ర వాహనం అదుపుతప్పి ఇద్దరు మృతి

ద్విచక్ర వాహనం అదుపుతప్పిన ఘటనలో ఇద్దరు మృతి చెందారు. ఆదిలాబాద్​ జిల్లా నేరడిగొండ మండలం బుర్కాపల్లి వద్ద ఈ ప్రమాదం(Accident) జరిగింది.

ఆదిలాబాద్ జిల్లా నేరడిగొండ మండలం బుర్కా పల్లి వద్ద జాతీయ రహదారిపై జరిగిన రోడ్డు ప్రమాదం(Accident)లో ఇద్దరు మృతి చెందారు. మృతులు బోథ్ మండలం టీవీటీ గ్రామానికి చెందిన కొడప దేవ్ రావు, ఆనంద్ రావుగా గుర్తించారు. నిర్మల్ జిల్లా మామడ మండలంలోని కోరకంటి గ్రామంలో జరిగిన బంధువుల పెళ్లికి వెళ్లి ఇంటికి తిరిగి వస్తుండగా ఈ ప్రమాదం చోటు చేసుకుంది.

దేవ్​ రావు అక్కడికక్కడే మృతి చెందగా ఆస్పత్రికి తరలిస్తుండగా ఆనందరావు కన్నుమూశారు. ఒకే గ్రామానికి చెందిన ఇద్దరు మృతి చెందడంతో ఆ గ్రామంలో విషాదం నెలకొంది. కేసు నమోదు చేసుకున్న పోలీసులు విచారణ చేపట్టారు.

ఇదీ చదవండి: Etela: హుజూరాబాద్ నియోజకవర్గంలో ఈటల రోడ్‌షో