Kurchi Madatha Petti Song Record : 2024లో సూపర్ స్టార్ మహేష్ బాబు 'గుంటూరు కారం'తో సందడి చేశారు. మాటల మాంత్రికుడు త్రివిక్రమ్ ఫ్యామిలీ ఎంటర్టైన్మెంట్ జానర్లో తెరకెక్కించారు. అయితే ఈ సినిమాలోని 'కుర్చీ మడతపెట్టి' పాటకు విపరీతమైన క్రేజ్ వచ్చింది. ఈ పాట థియేటర్లలో ఆడియెన్స్తో స్టెప్పులేయించింది. తాజాగా ఈ పాట మరో అరుదైన ఘనత సాధించింది.
టాప్ సాంగ్స్లో చోటు
విడుదలైనప్పటి నుంచే యూట్యూబ్లో ఈ పాటకు స్పెషల్ క్రేజ్ ఏర్పడింది. ఇప్పటిదాకా 526+ మిలియన్ వ్యూస్ సాధించింది. ఈ క్రమంలోనే 2024 యూట్యూబ్ మ్యూజిక్లో టాప్ సాంగ్స్లో ఒకటిగా నిలిచింది. ఈ విషయాన్ని యూట్యూబ్ ట్విట్టర్లో అధికారికంగా తెలిపింది. ఈ లిస్ట్లో హాలీవుడ్ స్థాయిలో మొత్తం 8 పాటలు ఎంపికవ్వగా, అందులో 'కుర్చీ మడతపెట్టి' సాంగ్ చోటు దక్కించుకుంది. కేవలం తెలుగులోనే కాకుండా అంతర్జాతీయ స్థాయిలోనూ తెలుగు పాట సత్తా చాటడం విశేషం.
the world’s soundtrack for 2024? it’s right here! explore this year’s top songs on #YouTubeMusic pic.twitter.com/3fdP2DnL1C
— YouTube Music (@youtubemusic) December 27, 2024
కాగా, ఈ పాటకు రామజోగయ్య శాస్త్రి లిరిక్స్ అందించగా, సాహితి చాగంటి, శ్రీ కృష్ణ ఆలపించారు. ప్రముఖ మ్యూజిక్ డైరెక్టర్ తమన్ సంగీతం అందించారు. ఇక హీరో మహేశ్ బాబు- శ్రీలీల పాటకు హుషారైన స్టెప్పులతో ఇరగదీశారు. అటు శ్రీలీలకు కూడా ఈ పాట మంచి బ్రేక్ ఇచ్చింది. ఇక మహేశ్బాబు యాక్టింగ్, మేనరిజం, ఫైట్స్తో ఫ్యాన్స్కు ట్రీట్ ఇచ్చారు. సినిమా అంతా మహేశ్ బాబు వన్ మ్యాన్ షో. ప్రస్తుతం ఈ మూవీ నెట్ఫ్లిక్స్లో స్ట్రీమింగ్ అవుతోంది.
ఇక సినిమా విషయానికొస్తే, డ్యాన్సింగ్ క్వీన్ శ్రీలీల హీరోయిన్గా నటించగా, మీనాక్షి చౌదరి కీలక పాత్రలో మెరిసింది. సీనియర్ నటుడు ప్రకాశ్ రాజ్, రమ్యకృష్ణ, మురళీ శర్మ, ఈశ్వరి రావు తదితరులు ఆయా పాత్రల్లో నటించారు. ప్రముఖ ప్రొడక్షన్ హౌజ్ హారికా అండ్ హసిన్ బ్యానర్పై నాగవంశీ ఈ సినిమా నిర్మించారు. కాగా, ఈ ఏడాది సంక్రాతి కానుకగా జనవరి 12న రిలీజై డీసెంట్ విజయం దక్కించుకుంది. ఈ సినిమా వరల్డ్వైడ్గా రూ.200 కోట్ల గ్రాస్ కలెక్షన్లు సాధించింది.
200 మిలియన్ ప్లస్ - నెట్టింట కుర్చి మడతపెట్టి సాంగ్ ర్యాంపేజ్! - Kurchi Madatha Petti Song
నెట్ఫ్లిక్స్లో టాప్ - 10 ట్రెండింగ్ మూవీస్ - లిస్ట్లో ముగ్గురు తెలుగు స్టార్స్!
