KIDNAP CASE: హైదరాబాద్ నాంపల్లికి చెందిన స్థిరాస్తి వ్యాపారి గుయోష్‌ పాషా కిడ్నాప్ కథ ముగిసింది. మొయినాబాద్‌లో ఉన్నట్లు కుమార్తెకు అతనే ఫోన్ చేసి చెప్పినట్లు పోలీసులు నిర్ధారించారు. పాషా కోసం టాస్క్‌ఫోర్స్ పోలీసులు మొయినాబాద్ వెళ్లారు. ఈ కేసుకు సంబంధించిన పూర్తి వివరాలు వెల్లడించనున్నారు. పాషా రాత్రి ఇంటికి రాకపోవడంతో కిడ్నాప్ చేశారని కుటుంబసభ్యులు ఫిర్యాదు చేశారు. కిడ్నాప్ జరిగిందా.. తనే వెళ్లిపోయాడా అనే విషయాన్ని పోలీసులు విచారణలో వెల్లడి కానుంది.
అర్ధరాత్రి అపహరణ
kidnap in narayanaguda: నారాయణగూడలో రాత్రి స్థిరాస్తి వ్యాపారి కిడ్నాప్ గురయ్యారు. నాంపల్లికి చెందిన గుయోష్‌ పాషాను ఆగంతకులు కిడ్నాప్ చేసినట్లు పోలీసులకు ఫిర్యాదు చేశారు వారి కుటుంబసభ్యులు. బాధితుడి కుటుంబ సభ్యుల ఫిర్యాదు మేరకు కేసు నమోదు సీసీ కెమెరాల ఆధారంగా పోలీసులు చేపట్టారు. ఉదయం పాషా తన కూతురుకి ఫోన్ చేసి.. కాసేపట్లో ఇంటికి వస్తున్నట్లు తెలపడంతో.. అంతా ఊపిరి పీల్చుకున్నారు.
