కరోనా ఎఫెక్ట్​: ఆర్టీసీ ఆధికారుల ముందస్తు జాగ్రత్తలు

కరోనా వైరస్ ప్రభావం రాష్ట్రంలో పెరగడం వల్ల ఆర్టీసీ అధికారులు ముందస్తు చర్యలు చేపట్టారు. ఉన్నతాధికారుల ఆదేశాలతో బస్సులను పరిశుభ్రం చేసే పనిలో సిబ్బంది ఉన్నారు.

కరోనా వైరస్ వ్యాప్తి చెందకుండా ఉండేందుకు ముందస్తు చర్యల్లో భాగంగా బస్సులను శుభ్రం చేయిస్తున్నట్లు కంటోన్మెంట్ డిపో మేనేజర్ కృష్ణమూర్తి తెలిపారు. సికింద్రాబాద్ జూబ్లీ బస్టాండ్​ పరిధిలోని కంటోన్మెంట్, పికెట్ డిపోల్లో బస్సులను ప్రత్యేక రసాయనాలతో శుభ్రం చేస్తున్నారు అర్టీసీ సిబ్బంది.

ముఖ్యంగా ఏసీ బస్సుల్లో వైరస్ విస్తృతంగా వ్యాపించే అవకాశాలు ఎక్కువగా ఉన్నందున బస్సుల్లో యాంటీవైరస్​గా పనిచేసే రసాయనాలను స్ప్రే చేస్తూ జాగ్రత్తలు తీసుకుంటున్నారు.

ఇదీ చదవండి: భారత్​లో మరొకరికి కరోనా.. 30కి చేరిన కేసులు