ఆరు నెలల తర్వాత హైదరాబాద్లో ఆర్టీసీ సేవలు కొవిడ్-19 నేపథ్యంలో రద్దైన ఆర్టీసీ బస్సులు ఎట్టకేలకు ఆరు నెలల తర్వాత రోడ్డెక్కాయి. ప్రభుత్వ ఆదేశాల మేరకు... 25శాతం సర్వీసుల నడపనున్నట్టు మంత్రి పువ్వాడ అజయ్ కుమార్ తెలిపారు. ఇవాళ్టి నుంచి మహారాష్ట్ర, కర్ణాటకకు కూడా బస్సులు నడపనున్నట్టు మంత్రి వెల్లడించారు. హైదరాబాద్ ముషీరాబాద్ డిపో 1, డిపో -2 నుంచి 50కి పైగా బస్సులు నగరంలోని పలు ప్రాంతాలకు బయలుదేరాయి. కరోనా నేపథ్యంలో అన్ని రకాల జాగ్రత్తలు తీసుకుంటున్నారు. ముషీరాబాద్ డిపో నుంచి పటాన్చెరు, కొండాపూర్, సికింద్రాబాద్, కోఠి, ఈసీఐఎస్, అప్జల్గంజ్ సర్వీసులు నడుపుతున్నట్టు మేనేజర్ యాకయ్య తెలిపారు.
రాజేంద్రనగర్ డిపో నుంచి శంషాబాద్, కోఠి, అప్జల్గంజ్, అత్తాపూర్తోపాటు వివిధ ప్రధాన ప్రాంతాలకు 40 బస్సులు బయలుదేరాయి. డిపో నుంచి బయలుదేరే ముందు బస్సు వాషింగ్ చేసి పంపుతున్నట్టు మేనేజర్ చంద్రకాంత్ తెలిపారు. డ్రైవర్లకు, కండక్టర్లకు భౌతికదూరం పాటించేలా శిక్షణ, శానిటైజర్స్ ఇచ్చి పంపుతున్నట్టు వివరించారు. తిరిగి బస్సు డిపోకు వచ్చిన తర్వాత మరోసారి శానిటైజేషన్ చేయనున్నట్టు తెలిపారు. కొన్ని ప్రధాన ప్రాంతాల్లో మొబైల్ శానిటైజేషన్ ఏర్పాటు చేసినట్టు వివరించారు. దిల్సుఖ్నగర్ డిపో నుంచి 107 రూట్లో 20 బస్సలు తిరగనున్నాయి. డ్రైవర్, కండక్టర్ తప్పనిసరిగా మాస్కులు ధరించాలని, ప్రయాణికులతో మర్యాదగా నడుచుకోవాలని మేనేజర్ సూచించారు. టికెట్ ఇచ్చిన వెంటనే శానిటైజ్ చేసుకోవాలని తెలిపారు.
ఇదీ చూడండి: ప్రారంభోత్సవానికి ముస్తాబైన 'కేబుల్ బ్రిడ్జి'
