Audio viral: జీజీహెచ్​లో డాక్టర్ కాముడు.. ఆడియో వైరల్‌!

ఏపీలోని నెల్లూరు జీజీహెచ్​లో లైంగిక వేధింపుల ఘటనపై కలకలం రేకెత్తిస్తోంది. 7 నెలల క్రితం వైద్య విద్యార్థిని... వైద్యాధికారి మధ్య జరిగిన వేధింపుల ఆడియో బయటకు రావడంతో ప్రభుత్వం స్పందించి.. విచారణకు ఆదేశించింది. ఇప్పటికే రంగంలోకి దిగిన కమిటీలు విచారణ పూర్తి చేశాయి. నివేదికను ప్రభుత్వానికి అప్పగించనున్నాయి.

ఏపీలోని నెల్లూరు జీజీహెచ్​లో లైంగిక వేధింపుల ఆడియో టేపులు సంచలనంగా మారాయి. 7 నెలల ముందు జీజీహెచ్​లోని హౌస్ సర్జన్​ను.. వెద్యాధికారి లైంగిక వేధింపులకు గురి చేసినట్లు ఆడియో బయటకు వచ్చింది. సోషల్ మీడియా, వాట్సాప్ గ్రూపుల్లో హల్​చల్ కావడంతో ఇం​ఛార్జి కలెక్టర్ స్పందించారు. ఘటనపై విచారణ చేయాలని కమిటీలు నియమించారు.