వంట గదిలో పేలిన కుక్కర్ - బాలుడు మృతి

మేడ్చల్ జిల్లాలో విషాదం చోటు చేసుకుంది. వంట గదిలో కుక్కర్ పేలిన ఘటనలో తీవ్రంగా గాయపడ్డ బాలుడు... చికిత్స పొందుతూ మృతి చెందాడు. మౌలాలీలోని భరత్​ నగర్​లో ఇది చోటు చేసుకుంది.

మేడ్చల్ జిల్లాలో కుక్కర్ పేలిన ఘటనలో చికిత్స పొందుతూ ఓ బాలుడు మృతి చెందాడు. ఆలస్యంగా వెలుగులోకి వచ్చిన ఈ ప్రమాదం మౌలాలీలోని భరత్​ నగర్​లో చోటు చేసుకుంది. మహమ్మద్ ఇబ్రహీం, నాబిషా దంపతుల కుమారుడు అబ్దుల్ రహమాన్ పేలుడు కారణంగా మృతి చెందాడు.

18 నెలల వయసు గల రహమాన్ వంటగదిలో కుక్కర్ మూత తగిలి తీవ్రంగా గాయపడ్డాడు. వెంటనే తల్లిదండ్రులు గాంధీ ఆస్పత్రికి తరలించారు. ఆరోగ్య పరిస్థితి విషమించి బుధవారం సాయంత్రం మృతి చెందాడు.