తక్షణమే సాధారణ బదిలీలు చేపట్టాలి

రాష్ట్రంలో ప్రభుత్వ ఉద్యోగుల సాధారణ బదిలీలు చేయాలని టీఎన్జీఓ భవన్​లో ఐకాస అధ్యక్షుడు కారం రవీందర్ రెడ్డి సమావేశం నిర్వహించారు. అనంతరం సీఎం కేసీఆర్ తమకు పూర్తి న్యాయం చేస్తారని ధీమా వ్యక్తం చేశారు.

ప్రభుత్వ ఉద్యోగుల సాధారణ బదిలీల ప్రక్రియ చేపట్టాలని తెలంగాణ ఉద్యోగ, ఉపాధ్యాయ, గెజిటెడ్ అధికారులు, ఫింఛనర్ల ఐకాస సమితి ప్రభుత్వానికి విజ్ఞప్తి చేసింది. 2018 జులై ఒకటి నుంచి వర్తించేలా పీఆర్​సీని ప్రకటించాలని లేదా 43 శాతం మధ్యంతర భృతి ఇవ్వాలని కోరింది. పదవీ విరమణ వయసును 58 నుంచి 61 ఏళ్లకు పెంచాలని కోరారు.
సీపీఎస్ విధానాన్ని రద్దు చేయాలని, ఏపీలో ఉన్న తెలంగాణ ఉద్యోగులను స్వరాష్ట్రానికి తీసుకురావాలని కోరింది. రెవెన్యూతో పాటు ఇతర శాఖలను మరో శాఖలో విలీనం చేయడాన్ని వ్యతిరేకిస్తున్నామని తెలిపింది. సీఎం కేసీఆర్​పై తమకు పూర్తి విశ్వాసం ఉందని.. ఆయన అన్నింటిని పరిష్కరిస్తారని భావిస్తున్నట్లు స్పష్టం చేసింది.

ఇవీ చూడండి : చెక్ పవర్ వచ్చింది... పనిచేయకుంటే పదవి ఊడుతుంది