అన్లాక్ 3.0 ప్రక్రియలో భాగంగా దేశవ్యాప్తంగా జిమ్లు, యోగా కేంద్రాలు ప్రారంభమయ్యాయి. కేంద్రం మార్గదర్శకాలను అనుగుణంగా భౌతిక దూరం, భద్రతా చర్యలు పాటిస్తూ జిమ్లకు వెళుతున్నారు ప్రజలు. సుదీర్ఘ సమయం తర్వాత జిమ్లు ప్రారంభం కావటంపై చాలా మంది సంతోషం వ్యక్తం చేస్తున్నారు.
కంటైన్మెంట్ ప్రాంతాల్లో మాత్రం జిమ్లు, యోగా కేంద్రాలకు అనుమతి లేదని కేంద్రం స్పష్టం చేసింది. 65 ఏళ్ల వయస్సు వారు, అనారోగ్య సమస్యలున్నవారు, గర్భిణీలు, పదేళ్ల వయస్సు లోపు పిల్లలను జిమ్, యోగా కేంద్రాల్లోకి అనుమతించకూడదు. స్పా, స్టీమ్ బాత్, స్విమ్మింగ్ పూల్ వంటివి మూసి ఉంచాలని తెలిపింది.
తీసుకోవాల్సిన జాగ్రత్తలు..
ప్రతి ఒక్కరు తప్పనిసరిగా 6 అడుగుల దూరం పాటించాలి. ఫేస్‌ గార్డ్స్‌/మాస్క్‌లు తప్పనిసరిగా ధరించాలి. యోగా/వ్యాయామం వంటివి చేసేప్పుడు మాత్రం ఫేస్‌ గార్డ్‌ ధరించేలా జాగ్రత్తలు తీసుకోవాలని సూచించింది. వ్యాయామం చేసే సమయంలో ఎన్‌-95 మాస్క్‌లు ధరించకపోవడం మేలు.
సబ్బుతో చేతులు కడుక్కోవడం, ఆల్కహాల్ ఆధారిత శానిటైజర్‌తో చేతులు శుభ్రపరచుకోవడం వంటివి తరచుగా చేస్తుండాలి. అలానే దగ్గు, జలుబు వంటి వచ్చినప్పడు టిష్యూ, చేతి రుమాలుతో, మోచేతిని అడ్డుగా పెట్టుకోవాలి, ఉమ్మటం వంటివి చేయకూడదు. ఆరోగ్య సేతు యాప్‌ ప్రతి ఒక్కరు ఉపయోగించడం ఉత్తమం.
ఇదీ చూడండి: కరోనా వేళ జిమ్లు ఎంత సురక్షితం?
