మేఘాలయలోని పశ్చిమ జైన్తియా హిల్స్ జిల్లాలో ఆరుగురి మరణానికి కారణమైన విషపూరిత పుట్టగొడుగులను.. అమనిత ఫల్లాయిడెస్ గా గుర్తించారు. వీటిని 'డెత్ క్యాప్' అని కూడా పిలుస్తారని ఓ సినియర్ అధికారి తెలిపారు.
పుట్టగొడుల వల్లే...
ఇండో-బంగ్లాదేశ్ సరిహద్దులో ఉన్న అమ్లరెమ్ ప్రాంతంలోని లామిన్ గ్రామంలో గత నెల.. పుట్టగొడుగులు తిని ఆరుగురు మరణించారు. వీరిలో 14ఏళ్ల బాలిక కూడా ఉంది. సమీప అడవుల నుంచి ఈ పుట్టగొడుగులను సేకరించారు.
ఈ ఘటనలో మూడు కుటుంబాలకు చెందిన 18మంది తీవ్ర అస్వస్థతకు గురయ్యారు. వీరిలో వాంతులు, తలనొప్పి, స్పృహ కోల్పోవడం వంటి లక్షణాలను గుర్తించారు వైద్యులు. వీరిలో ముగ్గురు ఇప్పటికీ చికిత్స పొందుతున్నారు.
దర్యాప్తు చేపట్టిన అధికారులు.. ఆ పుట్టగొడుగులు విషపూరితమైన అమనిత ఫల్లాయిడెస్ అని నిర్ధరించారు. అవి తింటే మనిషి కాలేయం దెబ్బతింటుంది. అయితే ఈ రకం పుట్టగొడుగులు తిన్న ప్రతి ఒక్కరూ మరణించరని వైద్యులు స్పష్టం చేశారు. వారు ఎంత మొత్తంలో దీన్ని తిన్నారనేదానిపై మరణం అధారపడి ఉంటుందని స్పష్టం చేశారు.
ఇదీ చూడండి:- భర్త కోసం 'లింగ' దీక్ష స్వీకరించిన ముస్లిం యువతి
