బంగాల్​లో కూలిన వంతెన.. ఇద్దరు మృతి

బంగాల్​ మాల్దా జిల్లాలోని వైష్ణవ్​నగర్​లో దారుణం జరిగింది. నిర్మాణంలో ఉన్న వంతెన కూలి ఇద్దరు మృతి చెందారు. ఈ ఘటనలో మరో ఏడుగురికి గాయాలైనట్లు అధికారులు తెలిపారు.

నిర్మాణంలో ఉన్న వంతెన కూలి ఇద్దరు వ్యక్తులు మృతి చెందిన ఘటన బంగాల్​ మాల్దా జిల్లా వైష్ణవ్​నగర్​​ ప్రాంతంలో చోటుచేసుకుంది. మరో ఏడుగురు గాయపడినట్లు అధికారులు వెల్లడించారు. క్షతగాత్రుల్ని హుటాహుటిన ఆసుపత్రికి తరలించారు. వీరి పరిస్థితి విషమంగా ఉన్నట్లు తెలుస్తోంది.

రాత్రి 8 గంటల సమయంలో ఈ ఫరక్కా వంతెన కూలినట్లు అధికారులు పేర్కొన్నారు. శిథిలాల కింద మరికొందరు కార్మికులు చిక్కుకున్నట్లు అనుమానిస్తున్నారు. సహాయక చర్యలు ముమ్మరంగా కొనసాగుతున్నాయి. ప్రమాదానికి గల కారణాలు తెలియరాలేదని పోలీసులు తెలిపారు.