బైక్​తో నేరుగా కాల్వలోకి దూసుకెళ్లిన యువకుడు.. స్టంట్ పేరుతో..

స్టంట్ పేరుతో ఓ యువకుడు వేల రూపాయల బైక్​ను నీటిపాలు చేశాడు. ద్విచక్రవాహనంపై వేగంగా వచ్చి.. బండితో సహా కాల్వలోకి దూసుకెళ్లాడు. హరియాణా పానీపత్ జిల్లాలోని మాజ్రా గ్రామానికి చెందిన యువకుడు.. దిల్లీ ప్యారెలల్ కెనాల్​లోకి ఇలా బైక్​తో సహా వెళ్లాడు. కొద్దిక్షణాల్లోనే అతడు నీటిలో నుంచి బయటకు వచ్చి.. ఆనందంతో కేరింతలు కొట్టాడు. ఈ తతంగం మొత్తాన్ని అతడి మిత్రులు వీడియో తీశారు. కాసేపటి తర్వాత బైక్​ను కూడా కాల్వలో నుంచి బయటకు తీశారని తెలిసింది.