30 సెకన్లలో 10 చెంప దెబ్బలు.. హోంవర్క్ చేయని చిన్నారిపై టీచర్ కర్కశత్వం

ఐదేళ్ల చిన్నారి పట్ల ఓ ఉపాధ్యాయురాలు అత్యంత క్రూరంగా వ్యవహరించింది. హోంవర్క్​ ఎందుకు చేయలేదంటూ 30 సెకన్లలో 10 చెంప దెబ్బలు కొట్టింది. ఉత్తర్​ప్రదేశ్​ ఉన్నావ్​ జిల్లా అసోహా మండలం ఇస్లామ్​ నగర్​ ప్రాథమిక పాఠశాలలో జులై 9న ఈ ఘటన జరిగింది. అదే రోజు సాయంత్రం బాలిక తల్లిదండ్రులు ముఖంపై వాతలు గుర్తించి.. వెంటనే బడికి వచ్చారు. టీచర్​ను తీవ్రంగా మందలించారు. మళ్లీ ఇలాంటి పని చేయనని ఆమెతో లేఖ రాయించారు. అయితే.. నాటి వీడియో ఇప్పుడు వైరల్​ కాగా.. విద్యాశాఖ అధికారులు స్పందించారు. టీచర్​ను, ఆ పాఠశాల ప్రధానోపాధ్యాయుడ్ని సస్పెండ్ చేశారు.