ముగ్గు వేస్తుండగా మహిళ 'గోల్డ్ చైన్' చోరీ.. నోరు మూసేసి మరీ..

ముగ్గు వేస్తుండగా ఓ మహిళ మెడలోని బంగారు గొలుసును దొంగ అపహరించిన ఘటన కర్ణాటకలోని హసన్​ జిల్లాలో జరిగింది. హోలేనరసీపుర్ పట్టణంలోని సరస్వతి అనే మహిళ ముగ్గు వేస్తున్న సమయంలో ఓ దొంగ ఒక్కసారిగా ఆమె మెడలో ఉన్న బంగారు గొలుసును తెంపేందుకు ప్రయత్నించాడు. వెంటనే బాధిత మహిళ గట్టిగా కేకలు వేసింది. దీంతో ఆమె నోరు మూసేసి గొలుసు తెంపుకుని దొంగ పారిపోయాడు. అయితే ఆ దొంగ తెలివిగా తన ఆచూకీ తెలియకుండా ఉండేందుకు హెల్మెట్ పెట్టుకున్నాడు. కేసు నమోదు చేసుకున్న పోలీసులు నిందితుడి కోసం గాలిస్తున్నారు. స్థానికంగా ఉన్న సీసీటీవీలో ఘటనా దృశ్యాలు రికార్డు అయ్యాయి.