Dark Chocolate Benefits : డార్క్ చాక్లెట్స్​తో బహుళ ఆరోగ్య ప్రయోజనాలు.. బీపీ, సుగర్​లతో సహా గుండె జబ్బులకు చెక్​!

Dark Chocolate Health Benefits : డార్క్​ చాక్లెట్​ అంటే​ ఎవరికి ఇష్టముండదు చెప్పండి. సాధారణంగా చాక్లెట్స్ అతిగా తినవద్దు అని అంటూ ఉంటారు. కానీ డార్క్​ చాక్లెట్స్​​ తీసుకోవడం ద్వారా అనేక ఆరోగ్య ప్రయోజనాలు ఉంటాయని న్యూట్రిషనిస్టులు చెబుతున్నారు. 

Benefits Of Dark Chocolate : డార్క్​ చాక్లెట్లలో యాంటీ ఆక్సిడెంట్లు ఎక్కువగా ఉంటాయి. ముఖ్యంగా ఫ్లేవనాల్స్, పాలిఫినాల్స్​ అనే కాంపౌండ్స్​ ఇందులో పుష్కలంగా ఉంటాయి. ఇవి మన గుండెతో పాటు జీర్ణవ్యవస్థ ఆరోగ్యాన్ని మెరుగుపరిచేందుకు ఉపయోగపడతాయి. అలాగే క్యాన్సర్​ కారకాలను దూరంగా ఉంచేందుకు కూడా ఈ డార్క్​ చాక్లెట్​​ దోహదం చేస్తుంది. డార్క్​ చాక్లెట్స్​లో సాధారణంగా ఫైబర్​ కెంటెంట్​ కూడా ఉంటుంది. అయితే మనకి మార్కెట్​లో లభించే డార్క్​ చాక్లెట్స్​లో.. ఫైబర్​ కంటెంట్​ తక్కువగా.. షుగర్, ఫ్యాట్స్​ కంటెంట్​ ఎక్కువగా ఉంటుంది. అందువల్లనే వీటిల్లో క్యాలరీ కంటెంట్​ అధిక శాతంలో ఉంటుంది. అయితే క్యాలరీస్​ను ఎక్కువగా కాకుండా పరిమిత మోతాదులో మాత్రమే తీసుకోవాలని సూచిస్తున్నారు డాక్టర్లు. ముఖ్యంగా రోజుకు 30 నుంచి 40 గ్రాములు మించకుండా డార్క్​ చాక్లెట్​ తీసుకుంటే ప్రయోజనకరంగా ఉంటుంది.