దూసుకొచ్చిన కారు.. త్రుటిలో తప్పిన ప్రమాదం!

భూమి మీద వీడికి నూకలు ఉన్నాయి రా! అని మన పెద్దలు ఓ సామెత చెబుతుంటారు. ఈ వీడియో చూస్తే అది నిజమే అనిపిస్తోంది. అమెరికా అలాస్కాలోని సీవార్డ్​ రహదారిలోని ఓ మలుపు వద్ద మంచు కురవటం వల్ల స్థానిక ట్రక్​ ఒకటి హిమంలో కూరుకుపోయింది. ఆ ట్రక్​ డ్రైవర్​కి పోలీసు అధికారి సహాయ పడుతున్న సమయంలో అటుగా అతి వేగంగా వచ్చిన ఓ ఎస్​యూవీ కారు మంచు వల్ల జారి ట్రక్​ డ్రైవర్​ పక్కగా వెళ్లింది. అయితే త్రుటిలో ప్రమాదం నుంచి తప్పించుకున్నాడు ఆ చోదకుడు. ఇప్పుడు ఈ వీడియో అంతర్జాలంలో చక్కర్లు కొడుతోంది.