ప్రమాదవశాత్తు బావిలో పడిన 11 అడుగుల కోబ్రా సురక్షితంగా బయటకు

ఛత్తీస్​గఢ్​లోని కోర్బా జిల్లాలో బావిలో పడిన 11 అడుగుల కోబ్రాను స్నేక్​ రెస్య్కూ టీమ్ కాపాడింది. బేలా గ్రామంలో ఉన్న వ్యవసాయ బావిలో ప్రమాదవశాత్తు పడిపోయింది. దీన్ని గమనించిన స్థానికులు బావిలో నీళ్లు నింపడం నిలిపివేశారు. అనంతరం ఫారెస్టు అధికారులకు సమాచారం అందించారు. డీఎఫ్​ఓ ఆదేశాలతో రెస్క్యూ టీమ్, ఫారెస్ట్​ అధికారులు ఘటనా స్థలానికి చేరుకుని కోబ్రాను సురక్షితంగా బయటకు తీశారు. ఆ తర్వాత పామును అటవీ ప్రాంతంలో వదిలేశారు. అయితే పాముల సంరక్షకుడు జితేంద్ర సారథి మాట్లాడుతూ ఛత్తీస్​గఢ్​ మొత్తంలో కోర్బా జిల్లాలోనే ఎక్కువ సంఖ్యలో కోబ్రాలు ఉన్నాయన్నారు.