యాపిల్ లోడుతో వెళ్తున్న ట్రక్కు బోల్తా, పండ్ల కోసం ఎగబడ్డ స్థానికులు

కశ్మీర్ నుంచి యాపిల్ లోడ్​తో వస్తున్న ట్రక్కు బిహార్ ఔరంగాబాద్​ జిల్లాలో బోల్తా పడింది. ప్రమాదం జరిగిన వెంటనే స్థానికులు అక్కడికి చేరి.. యాపిల్ డబ్బాలను ఎత్తుకెళ్లారు. పోలీసులు ఘటనాస్థలికి చేరుకునేలోపే.. 50కిపైగా బాక్సులను తీసుకెళ్లారు. పండ్లను తీసుకెళ్లకుండా అడ్డుకున్న తనను స్థానికులు కొట్టారని ట్రక్కు డ్రైవర్ షెహజాద్ తెలిపారు. జిల్లాలోని మదన్​పుర్ పోలీస్ స్టేషన్ పరిధిలో రెండో నెంబర్ జాతీయ రహదారిపై ఈ ఘటన జరిగింది. కశ్మీర్ నుంచి ఒడిశాకు ఈ ట్రక్కు వెళ్తోంది. ఘటనలో డ్రైవర్, సహ-డ్రైవర్ క్షేమంగానే బయటపడ్డారు. పోలీసులు వచ్చి స్థానికులను చెదరగొట్టారు. ప్రమాదం నేపథ్యంలో జాతీయ రహదారిపై ట్రాఫిక్ జామ్ ఏర్పడింది.