అత్తాకోడళ్లు ఒకరికొకరు తినిపించుకుంటే నో బిల్​! ఉమెన్స్ డే స్పెషల్​ ఆఫర్

Womens Day Special Offers 2024 : అత్తా కోడళ్ల మధ్య సంబంధాలను మరింత బలోపేతం చేయడానికి తమిళనాడు ఈరోడ్​లోని ఓ రెస్టారెంట్​ వినూత్న కార్యక్రమాన్ని చేపట్టింది. అత్తాకోడళ్లు ఒకరికొరు ఆహారాన్ని తినిపించుకుంటే ఎలాంటి బిల్లు కట్టనవసరం లేదని ఆఫర్​ ప్రకటించింది. వారు తిన్న ఆహారాన్ని ఉచితంగా ఇస్తామని వెల్లడించింది. మహిళా దినోత్సవం సందర్భంగా మార్చి 6 నుంచి 18 వరకు ఈ ఆఫర్​ అమల్లో ఉంటుందని తెలిపింది. 

"2018 నుంచి ఈ కార్యక్రమాన్ని నిర్వహిస్తున్నాం. దీనికి ప్రజల నుంచి భారీ స్పందన వస్తుంది. అనేక మంది అత్తాకోడళ్లు ఎంతో ఆసక్తిగా ఇందులో పాల్గొంటున్నారు. అత్తాకోడళ్ల మధ్య ప్రేమ సంబంధాలను పెంచాలనే ఉద్దేశంతోనే ఈ కార్యక్రమాన్ని చేపట్టాం. దీని వల్ల అత్తాకోడళ్ల మధ్య ఉన్న సమస్యలు తొలిగిపోయి, ఇద్దరి మధ్య అనుబంధం ఏర్పడుతుందని ఆశిస్తున్నాం." అని రెస్టారెట్​ యజమాని భూపతి తెలిపారు. 

ఒకేసారి పరీక్ష రాసిన అత్తాకోడళ్లు
కొన్ని రోజుల క్రితం బిహార్​లో అత్తాకోడళ్లు ఒకేసారి పరీక్షకు హాజరై అందరిని ఆశ్చర్యపరిచారు. ప్రభుత్వం నిర్వహించే అక్షరాస్యత పథకం 'అక్షర్ అంచల్ యోజన' కింద పెట్టిన పరీక్షకు ఇద్దరు హాజరయ్యారు. పూర్తి వార్త కోసం ఇక్కడ క్లిక్ చేయండి