హయత్‌నగర్‌లో సినీ నటి నభా నటేశ్ సందడి - సెల్ఫీలు దిగేందుకు పోటీపడ్డ అభిమానులు - Nabha Natesh Launched Digital Store

Nabha Natesh Launched Digital Store in Hayathnagar : ప్రముఖ హీరోయిన్ నభా నటేశ్​ హయత్‌నగర్‌లో సందడి చేశారు. ఆర్టీసీ సూపర్‌వైజర్స్ కాలనీ ఎదురుగా ఉన్న భగత్ విలేజ్‌లో నూతనంగా ఏర్పాటు చేసిన ఓ డిజిటల్​ స్టోర్​ను ఆమె ప్రారంభించారు. డిజిటల్​ స్టోర్​కు చేరుకున్న ఆమెకు అభిమానులు, సిబ్బంది స్వాగతం పలికారు. నభా నటేశ్​ రాకతో యువత కేరింతలతో ఆ ప్రాంతమంతా హోరెత్తింది. అభిమాన హీరోయిన్‌ను చూసేందుకు నగరవాసులు గుమిగూడారు. సెల్ఫీలు దిగేందుకు అభిమానులు పోటీపడ్డారు.

Heroin Nabha Natesh in Hayathnagar : ఈ సందర్భంగా పలు రకాల ఎలక్ట్రానిక్ వస్తువులను హీరోయిన్ పరిశీలించారు. డిజిటల్​ స్టోర్​ను ప్రారంభించడం చాలా సంతోషంగా ఉందని ఆమె హర్షం వ్యక్తం చేశారు. హయత్​నగర్​కు రావడం చాలా ఆనందంగా ఉందని, అభిమానుల ప్రేమ ఎల్లప్పుడూ ఇలాగే ఉండాలని నభా కోరారు. ఈ డిజిటల్​ స్టోర్​​ ఉత్పత్తులు "పర్సనలైజింగ్ టెక్నాలజీ" నినాదానికి అనుగుణంగా ఉన్నాయని, వినియోగదారులకు సరసమైన ధరల్లో సాంకేతిక ఎంపికల ప్రపంచాన్ని తీసుకురావాలని లక్ష్యంగా పెట్టుకున్నట్లు తెలిపారు.