మోదీ రోడ్​షోలో భద్రతా ఉల్లంఘన- వాహనంపైకి ఫోన్ విసిరిన వ్యక్తి

Mobile Phone Thrown To Pm Modi : తమిళనాడులో ప్రధాని నరేంద్ర మోదీ పాల్గొన్న రోడ్​ షోలో భద్రతా వైఫల్యం తలెత్తింది. గుర్తు తెలియని వ్యక్తి ప్రధాని మోదీ వాహనంపైకి ఫోన్​ విసిరేశారు. ఫోన్​ను గుర్తించిన ప్రధాని వెంటనే సెక్యూరిటీని అలర్ట్ చేశారు. ప్రస్తుతం రికార్డైన ఈ దృశ్యాలు సోషల్​ మీడియా వైరల్​ అవుతున్నాయి.  

తిరుప్పురు జిల్లాలో బీజేపీ అధ్యక్షుడు అన్నామాలై చేపట్టిన 'ఎన్​ మ్యాన్ ఎన్​ పీపుల్ యాత్ర' ముగింపు కార్యక్రమాన్ని మంగళవారం నిర్వహించారు. ఈ కార్యక్రమానికి వచ్చిన మోదీకి బీజేపీ కార్యకర్తలు భారత్​ మాతకి జై అంటూ నినాదాలు చేస్తూ పూలతో ఘన స్వాగతం పలికారు. ఈ క్రమంలోనే భద్రతా వైఫల్యం తలెత్తింది. ఒక్కసారిగా జనంలో నుంచి ప్రధాని మోదీ వాహనంపైకి ఓ ఫోన్ వచ్చి పడింది. ఆ ఫోన్​ను గమనించిన మోదీ వెంటనే సెక్యూరిటీకి చెప్పారు. దీంతో అలర్ట్ అయిన సిబ్బంది వాహనంపై పడ్డ మొబైల్​ను తీసేశారు. ఈ విషయంపై తమిళనాడు పోలీసుల నుంచి ఎలాంటి వివరణ రాలేదు.