LIVE : కోస్గి​ బహిరంగ సభలో సీఎం రేవంత్​ రెడ్డి - ప్రత్యక్షప్రసారం

CM Revanth Reddy in Kosgi Public Meeting LIVE : సీఎంగా ప్రమాణ స్వీకారం చేసిన తర్వాత రేవంత్​ రెడ్డి తన సొంత నియోజకవర్గం కొడంగల్​లో పర్యటిస్తున్నారు. తొలిసారి అక్కడకు వెళ్లిన ఆయన, నారాయణపేట జిల్లా కోస్గిలో పలు అభివృద్ధి కార్యక్రమాలకు శంకుస్థాపన చేశారు. మక్తల్, నారాయణపేట, కొడంగల్​ నియోజకవర్గ ప్రజల చిరకాల స్వప్నం కొడంగల్​ - నారాయణపేట ఎత్తిపోతల పథకానికి శంకుస్థాపన చేశారు. రూ.2,945 కోట్లతో ఈ ఎత్తిపోతల పథకాన్ని ప్రభుత్వం చేపట్టింది. పరిపాలన అనుమతులు మంజూరు చేస్తూ ఇప్పటికే ఉత్తర్వులు జారీ చేసింది. మరోవైపు రోడ్ల విస్తరణ, గ్రామాలకు బీటీ రోడ్లు, జూనియర్ కళాశాలలు, వసతి​ భవన నిర్మాణాలు, పశు వైద్య కళాశాల, ఇంజినీరింగ్​ కాలేజీ, మెడికల్​, నర్సింగ్​, ఫిజియోథెరపీ కళాశాలలు, సీహెచ్​సీని 220 పడకల ఆసుపత్రిగా ఉన్నతీకరణ సహా సుమారు రూ.3,961 కోట్లకు పైగా పనులకు సీఎం రేవంత్​ రెడ్డి శంకుస్థాపన చేశారు. ఈ మేరకు కోస్గిలోని పోలీస్​ స్టేషన్​ ఎదురుగా ఉన్న మైదానంలో ఏర్పాటు చేసిన బహిరంగ సభలో ముఖ్యమంత్రి రేవంత్​ రెడ్డి ప్రసంగిస్తున్నారు. లైవ్​లో చూద్దాం