తెలుగులోకి హిందీ సూపర్ హిట్ సిరీస్- హైదరాబాద్​లో సందడి చేసిన '11 :11 టీమ్​' - Gyaarah Gyaarah Web Series

Gyarah Gyarah Web Series : వేర్వేరు కాలాల్లో ఉన్న ఓ ఇద్దరు పోలీసు అధికారులు వారి వాకీటాకీల ద్వారా సరిగ్గా 11 గంటల 11 నిమిషాలకు మాట్లాడుకోవడం, ఆ తర్వాత ఏం జరుగుతుందనే ఓ ఆసక్తికరమైన థ్రిల్లింగ్ కథాంశంతో తెరకెక్కించిన వెబ్ సిరీస్ 'గ్యారా గ్యారా'. ఉమేశ్​ డైరెక్షన్​లో తెరకెక్కిన ఈ సిరీస్​లో క్రితిక కామ్రా, ధైర్య కార్వా, రాఘవ్ ప్రధాన పాత్రల్లో నటించారు.  ప్రముఖ ఓటీటీ ప్లాట్​ఫామ్ జీ5 వేదికగా ఈ సిరీస్ స్ట్రీమింగ్ అవుతోంది.

అయితే తాజాగా ఈ సిరీస్​ నటులు క్రితిక, ధైర్య హైదరాబాద్​కు వచ్చారు. తమ వెబ్ సిరీస్​కు ప్రేక్షకుల నుంచి విశేషమైన స్పందన వస్తుండటం పట్ల ఆనందం వ్యక్తం చేశారు. హైదరాబాద్ రావడం ఇదే తొలిసారి అని, ఇక్కడి ఆహ్లాదకరమైన వాతావరణం, ఆహార రుచులు తమకెంతగానో నచ్చాయన్న క్రితిక, ధైర్యవ్​లు, 'గ్యారా గ్యారా' వెబ్ సిరీస్​లో నటించిన అనుభవాలను పంచుకున్నారు. 

సామాన్య ప్రజలకు ధైర్యాన్ని ఇచ్చే పోలీసు పాత్రల్లో తమను తాము చూసుకోవడం మరిచిపోలేని అనుభూతిని కలిగించిందని పేర్కొన్నారు. ఈ వెబ్ సిరీస్ త్వరలోనే తెలుగు, తమిళంలోనూ అందుబాటులోకి రానుందని చెప్పారు. అలాగే ఈ సిరీస్​కు సీజన్ 2 కూడా ఉంటుందని ప్రకటించారు.