LIVE : తెలంగాణ భవన్​లో హరీశ్​రావు మీడియా సమావేశం - ex minister Harishrao press meet

Ex Minister Harish Rao Press Meet at Telangana Bhavan : గ్రామాలను తమ ప్రభుత్వ హయాంలో చాలా అభివృద్ధి చేశామని మాజీ మంత్రి, బీఆర్​ఎస్​ ఎమ్మెల్యే హరీశ్​ రావు తెలిపారు. ఏడు నెలల కాంగ్రెస్​ పాలనలో గ్రామాలను నిర్లక్ష్యం చేశారని ఆరోపించారు. 7 నెలల్లో గ్రామాలకు 7 పైసలు కూడా ఇవ్వలేదని ధ్వజమెత్తారు. బీఆర్​ఎస్​ ప్రభుత్వం గ్రామ పంచాయతీలకు నిధులు ఇచ్చిందని గుర్తు చేశారు. దేశానికి ఆదర్శంగా తెలంగాణ గ్రామాలను కేసీఆర్​ నిలిపారని అన్నారు. స్థానిక సంస్థలకు ఎన్నికలు పెట్టే ఆలోచన ప్రభుత్వానికి లేదని విమర్శించారు. స్థానిక సంస్థలకు ఎన్నికలు నిధులు కేటాయించాలని డిమాండ్​ చేశారు. హైదరాబాద్​లోని తెలంగాణ భవన్​లో జరుగుతున్న బీఆర్​ఎస్​ నేతల మీడియా సమావేశంలో మాజీ మంత్రి హరీశ్​రావు మాట్లాడారు. కాంగ్రెస్​ పార్టీ బీఆర్​ఎస్​ను బద్నాం చేసేందుకు చూస్తోందని అన్నారు. అలాగే బీఆర్​ఎస్​ ఎమ్మెల్యేలను కాంగ్రెస్​లోకి తీసుకొని పార్టీ ఫిరాయింపులకు పాల్పడుతుందని దుయ్యబట్టారు. ఇలాంటి చర్యలు తగువని పార్టీ ఎమ్మెల్యేలను రాజీనామా చేసిన తర్వాత పార్టీలో చేర్చుకోవాలని అన్నారు.