IPL 2024 CSK VS SRH Abhishek Sharma : ఐపీఎల్ 2024లో భాగంగా జరిగిన 18వ మ్యాచ్లో సన్రైజర్స్ హైదరాబాద్(ఎస్‌ఆర్‌హెచ్) - చెన్నై సూపర్ కింగ్స్ (సీఎస్కే) బౌలింగ్ను ఉతికారేసింది. అభిషేక్ శర్మ అయితే తన సూపర్ ఇన్నింగ్స్తో ఉప్పల్ స్టేడియాన్ని ఉపేశాడు. తన రెండో ఓవర్లోనే దుమ్ముదులిపేస్తూ పరుగుల వరద పారించాడు. ముఖేష్ చౌదరి బౌలింగ్లో ఈ మార్క్ చూపిస్తూ సిక్సర్ల మోత మోగించాడు. .
ఈ ఓవ‌ర్లో కళ్లు చెదిరే షాట్స్ ఆడుతూ ఏకంగా 27 పరుగులు సాధించాడు అభిషేక్ శర్మ. 4, 0, 6, 0, నోబాల్ 6, 6, 4 తో మైదాాన్ని హోరెత్తించాడు. అలా మూడు సిక్స‌ర్లు, నో బాల్, రెండో ఫోర్లతో కలిపి ధనాధన్ ఇన్నింగ్స్ చేశాడు. అయితే ఈ క్రమంలోనే మరో భారీ షాట్ బాదే క్ర‌మంలో 37 పరుగులు చేసిన ఔట్ అయ్యాడు అభిషేక్ శర్మ. మొత్తంగా ఇన్నింగ్స్లో 3 ఫోర్లు, 4 సిక్స‌ర్లు బాదాడు. ఇక ఇతడి ఇన్నింగ్స్ చూసిన అభిమానులు ఉప్పల్లో బాదుతుంటే తుప్ప‌ల్లో పడుతున్నాయి అంటూ ఫన్నీ కామెంట్స్ కూడా చేశారు.
ఇకపోతే ఈ మ్యాచులో సన్రైజర్స్ హైదరాబాద్ మ్యాచ్కు ఓపెన‌ర్లు మంచి శుభారంభం అందించారు. దీంతో ఆ జట్టు ప‌వ‌ర్ ప్లేలో మరో రికార్డ్ స్కోర్ చేసింది. ప‌వ‌ర్ ప్లేలో ఓ వికెట్ కోల్పోయి 78 పరుగులు చేసింది.
ఐపీఎల్లో హైదరాబాద్ టాప్-5 ప‌వ‌ర్ ప్లే స్కోర్స్
- 81/1 vs ముంబయి, హైదరాబాద్, 2024
- 79/0 vs కేకేఆర్, హైదరాబాద్ 2017
- 78/1 vs సీఎస్కే, హైదరాబాద్, 2024
- 77/0 vs పీబీకేఎస్, హైదరాబాద్, 2019
- 77/0 vs డీసీ, దుబాయ్, 2020
కాగా, ఈ మ్యాచ్లో మొదట బ్యాటింగ్కు దిగిన చెన్నై సూపర్ కింగ్స్ 20 ఓవర్లలో 5 వికెట్ల నష్టానికి 165 పరుగులు చేసింది. శివమ్‌ దూబె (45; 24 బంతుల్లో 2×4, 4×6) మాత్రమే ధనాధన్ ఇన్నింగ్స్తో అద‌ర‌గొట్టాడు. అనంతరం అభిషేక్ (37; 12 బంతుల్లో 3×4, 4×6) మెరుపు ఇన్నింగ్స్ ఆరంభం వల్ల మరో 11 బంతులు మిగిలి ఉండగానే సన్రైజర్స్ లక్ష్యాన్ని ఛేదించింది. 18.1 ఓవర్లలో 4 వికెట్లకు 166 పరుగులు చేసింది. దీంతో ఆరు వికెట్ల తేడాతో హైదరాబాద్ గెలిచింది. దీంతో వరుసగా సొంతగడ్డపై రెండో మ్యాచ్లో విజయం సాధించినట్టైంది.
ఉప్పల్లో సన్రైజర్స్ విక్టరీ- 6 వికెట్ల తేడాతో చెన్నైపై ఘన విజయం - SRH vs CSK IPL 2024
