DC vs GG WPL 2024: 2024 డబ్ల్యూపీఎల్ లీగ్ దశలో ఆఖరి మ్యాచ్లో దిల్లీ ఘన విజయం సాధించింది. బుధవారం గుజరాత్ జెయింట్స్తో జరిగిన మ్యాచ్లో 7 వికెట్ల తేడాతో నెగ్గిన దిల్లీ నేరుగా ఫైనల్స్కు దూసుకెళ్లింది. గుజరాత్ నిర్దేశించిన 127 పరుగుల లక్ష్యాన్ని దిల్లీ ఓవర్లలో ఛేదించింది. దిల్లీ బ్యాటర్లలో షఫాలీ వర్మ (71 పరుగులు) హాఫ్ సెంచరీతో అదరగొట్టగా, జెమిమా రోడ్రిగ్స్ (38* పరుగులు) రాణించింది. గుజరాత్ బౌలర్లలో తనుజా రెండు వికెట్లు దక్కించుకుంది. ఇక ఈ విజయంతో దిల్లీ మహిళల ప్రీమియర్ లీగ్లో వరుసగా రెండోసారి ఫైనల్స్కు అర్హత సాధించింది.
స్వల్ప లక్ష్య ఛేదనను దిల్లీ ఘనంగానే ఆరంభించింది. అయితే మూడో ఓవర్లో గుజరాత్ రెండు వికెట్లు తీసి గేమ్లోకి వచ్చినట్లు కనిపించింది. ఓపెనర్ మెగ్ లానింగ్ రనౌట్ కాగా, అదే ఓవర్ ఐదో బంతికి అలీస్ కాప్సీ (0) పెవిలియన్ బాట పట్టింది. అయినప్పటికీ యంగ్ బ్యాటర్ షఫాలీ వర్మ ఏ మాత్రం జోరు తగ్గించలేదు. ఎడాపెడా బౌండరీలతో స్కోర్ బోర్డును పరుగులు పెట్టించింది. ఆమెకు తోడుగా జెమిమా రోడ్రిగ్స్ కూడా విలువైన ఇన్నింగ్స్ ఆడుతూ గుజరాత్కు మరో ఛాన్స్ ఇవ్వలేదు. మూడో వికెట్కు 94 పరుగుల భాగస్వామ్యం నెలకొల్పిన ఈ జోడీ దిల్లీని విజయంలో కీలక పాత్ర పోషించారు
అంతకుముందు బ్యాటింగ్ చేసిన గుజరాత్ నిర్ణీత 20 ఓవర్లలో 9 వికెట్ల నష్టానికి 126 పరుగులు చేసింది. ఓపెనర్లు వోల్వ్రాట్ (7 పరుగులు), బెత్ ముూనీ (0) స్వల్ప స్కోర్లకే వెనుదిరిగారు. వన్డౌన్లో వచ్చిన హేమలత (4 పరుగులు) కూడా ప్రభావం చూపలేకపోయింది. ఫోబి లిచ్ఫీల్డ్ (21 పరుగులు), గార్డ్నర్ (12) విలఫమయ్యారు. భారతి ఫుల్మలి (42 పరుగులు), ఆఖర్లో బ్రేస్ (22* పరుగులు) రాణించడం వల్ల గుజరాత్కు ఆ మాత్రం స్కోరైనా దక్కింది. దిల్లీ బౌలర్లలో మారిజన్ కాప్, శిఖా పాండే, మిన్ను మని తలో రెండు వికెట్లు దక్కించుకోగా, జొనసేన్ ఒక వికెట్ పడగొటట్టింది.
WPL 2024 ముంబయిపై విజయం - పెర్రీ సంచలన ప్రదర్శనతో ప్లేఆఫ్స్కు ఆర్సీబీ
WPL 2024 : చావోరేవో మ్యాచ్లో యూపీ ఓటమి- ప్లేఆఫ్ ఆశలు గల్లంతే
