మంచువేళల్లో అరకు అందాలు - తెలంగాణ టూరిజం అద్దిరిపోయే ప్యాకేజీ!

ప్రకృతి ప్రేమికుల భూతల స్వర్గం అరకు తనివితీరా విహరించి రావొచ్చు!

Telangana Tourism Araku Package Details : అందమైన పర్వతాలు.. పాలధారను తలపించే జలపాతాలు.. చిరుజల్లు లాంటి మంచు.. మత్తెక్కించే కాఫీ తోటల పరిమళాలు.. ఇలా ఒక్కటేమిటి అరకు గురించి ఎంత చెప్పినా తక్కువే. ఈ మంచు పొరల చాటున కనిపించే అందాల గురించి చెప్పడం కాదు.. అక్కడికి వెళ్లి ప్రత్యక్షంగా ఆస్వాదించాల్సిందే! ఆ కిక్​ వేరే లెవల్​ ఉంటుంది. అందుకే.. చాలా మంది హాలీడేస్​ వస్తే అరకు వెళ్లాలని ప్లాన్​ చేస్తుంటారు. చలికాలంలో ఈ ప్రదేశం మరింత రమణీయంగా ఉంటుంది. మరి మీరు కూడా ఈ వింటర్​లో అరకును వీక్షించాలనుకుంటున్నారా? తెలంగాణ టూరిజం ఓ ప్రత్యేక ప్యాకేజీని అందిస్తోంది. ఇంతకీ ఈ టూర్‌ ఎలా సాగుతుంది.? ఏయే ప్రాంతాలు కవర్‌ అవుతాయి? టికెట్​ ధరలు ఎంత వంటి వివరాలు ఈ స్టోరీలో చూద్దాం..

తెలంగాణ టూరిజం "అరకు టూర్​" పేరుతో ప్యాకేజీ తీసుకొచ్చింది. ఈ ప్యాకేజీ ప్రతీ బుధవారం అందుబాటులో ఉంటుంది. ఈ టూర్‌ మొత్తం నాలుగు రాత్రులు, ఐదు రోజులుగా ఉంటుంది. హైదరాబాద్​ నుంచి రోడ్డు మార్గం ద్వారా ఈ టూర్​ నిర్వహిస్తారు. హైదరాబాద్​ టూ అరకు ప్రయాణం సాగుతుందిలా..

• మొదటి రోజు సాయంత్రం 6 గంటలకు IRO పర్యాటక భవన్‌ నుంచి బస్సు బయలుదేరుతుంది. 6.30 గంటలకు CRO బషీర్‌బాగ్‌ చేరుకుని అక్కడి నుంచి తిరిగి జర్నీ స్టార్ట్​ బయలు దేరుతుంది. ఆ రాత్రి మొత్తం ప్రయాణం ఉంటుంది. మార్గమధ్యంలో భోజనం ఉంటుంది.
• రెండో రోజు ఉదయం 6 గంటలకు వైజాగ్​ చేరుకుంటారు. అక్కడ ఓ ప్రైవేట్ హోటల్​లో ఫ్రెషప్​ అనంతరం బ్రేక్​ఫాస్ట్‌ ఉంటుంది. బ్రేక్​ఫాస్ట్ చేసిన తర్వాత కైలాసగిరి, సింహాచలం దేవాలయాలు దర్శించుకున్న తర్వాత రుషికొండ, సబ్‌మెరైన్‌ మ్యూజియం విజిట్​ చేస్తారు. ఆ సాయంత్రం వైజాగ్‌ బీచ్​కు తీసుకెళ్తారు. బీచ్​లో ఎంజాయ్​ చేసిన తర్వాత​ తిరిగి హోటల్‌కు చేరుకుంటారు. ఆ రాత్రి భోజనం తర్వాత వైజాగ్​ హోటల్​లో స్టే చేయాలి.
• మూడో రోజు ఉదయం బ్రేక్‌ ఫాస్ట్‌ చేసిన తర్వాత అరకు టూర్‌ స్టార్ట్​ అవుతుంది. అక్కడకి చేరుకున్న తర్వాత ట్రైబల్‌ మ్యూజియం, అనంతగిరి కాఫీ ప్లాంటేషన్‌, బొర్రా గుహలు విజిట్​ చేస్తారు. రాత్రికి ధింసా డ్యాన్స్‌ వీక్షిస్తారు. ఆ రాత్రికి అరకులో స్టే చేస్తారు.
• నాలుగో రోజు ఉదయం అరకు నుంచి అన్నవరానికి బయలుదేరుతారు. అక్కడ సత్యనారాయణ స్వామిని దర్శించుకుంటారు. అనంతరం అక్కడి నుంచి తిరిగి హైదరాబాద్​ రిటర్న్​ అవుతారు. ఆ రాత్రి మొత్తం ప్రయాణం ఉంటుంది.
• ఐదో రోజు ఉదయం 7 గంటలకు హైదరాబాద్​ చేరుకోవడంతో టూర్​ ముగుస్తుంది.

ఇక ధరలు చూస్తే.. హైదరాబాద్​ నుంచి అరకు ట్రిప్​కు వెళ్లేందుకు పెద్దలకు ఒక్కొక్కరికి రూ. 6,999గా ఉంటుంది. 5 నుంచి 12 ఏళ్ల చిన్నారులకు రూ. 5,599గా ధరలు నిర్ణయించారు.

ప్యాకేజీలో ఉండేవి ఇవే:

• నాన్ ఏసీ వాహనంలో ప్రయాణం
• వైజాగ్​లో ఏసీ హోటల్​లో, అరకులో నాన్ ఏసీ హోటల్‌లో వసతి
• వైజాగ్, అరకు సైట్ సీయింగ్, గైడ్ ఛార్జీలు కవర్ అవుతాయి.
• ఫుడ్, ఎంట్రీ టికెట్స్, దర్శనం టికెట్లు, బోటింగ్ ఛార్జీలు, లాండ్రీ ఛార్జీలు టూర్ ప్యాకేజీలో కవర్ కావు. ఇవి ప్రయాణికులే చెల్లించాల్సి ఉంటుంది.
• ప్రస్తుతం ఈ టూర్​ నవంబర్​ 27వ తేదీన అందుబాటులో ఉంది. అది మిస్​ అయితే డిసెంబర్​ 4న కూడా ఉంది.
• ఈ టూర్ ప్యాకేజీకి సంబంధించిన మరిన్ని వివరాలను ఈ లింక్​పై క్లిక్​ చేసి తెలుసుకోవచ్చు.