গুৱাহাটীৰ খানাপাৰাত গণৰাজ্য দিৱসৰ কেন্দ্ৰীয় অনুষ্ঠান LIVE

সমগ্ৰ দেশৰ লগতে আজি অসমতো উলহ-মালহেৰে ৭৬ সংখ্যক গণৰাজ্য দিৱস উদযাপন কৰা হৈছে । গুৱাহাটীৰ খানাপাৰাস্থ পশু চিকিৎসা মহাবিদ্যালয়ৰ খেলপথাৰত কেন্দ্ৰীয়ভাৱে গণৰাজ্য দিৱসৰ আয়োজন কৰা হৈছে । এই অনুষ্ঠানত ৰাজ্যপাল লক্ষ্মণ প্ৰসাদ আচাৰ্যই অংশ গ্ৰহণ কৰি ৰাষ্ট্ৰীয় পতাকা উন্মোচন কৰে । অনুষ্ঠানত ৰাজ্যপালগৰাকীয়ে ৰাজ্যবাসীক উদ্দেশি ভাষণ আগবঢ়ায় । গণৰাজ্য দিৱসৰ কাৰ্যসূচীত ৰাজ্যপালে আৰক্ষীৰ অভিবাদন গ্ৰহণ কৰিব । অনুষ্ঠানত আৰক্ষী, এন চি চি আদিৰ কুচ-কাবাজৰ লগতে অসমৰ বাৰেবৰণীয়া কলা-সংস্কৃতি প্ৰদৰ্শন কৰা হ'ব । এইবাৰ প্ৰথম বাৰৰ বাবে গণৰাজ্য দিৱসৰ কেন্দ্ৰীয় অনুষ্ঠানৰ বিপৰীতে মুখ্যমন্ত্ৰী ড৹ হিমন্ত বিশ্ব শৰ্মাই ডিব্ৰুগড়ত উপস্থিত থাকি পতাকা উন্মোচন কৰিব । ইতিমধ্যে গণৰাজ্য দিৱসৰ বাবে খানাপাৰাত কটকটীয়া নিৰাপত্তা ব্যৱস্থা গঢ়ি তোলা হৈছে । ইফালে সমগ্ৰ গুৱাহাটী মহানগৰীতে কঠোৰ নিৰাপত্তা ব্যৱস্থা গঢ়ি তোলা হৈছে, যাতে কোনো ধৰণৰ অপ্ৰীতিকৰ পৰিস্থিতিৰ সৃষ্টি নহয় । খানাপাৰাৰ পৰা গণৰাজ্য দিৱসৰ কাৰ্যসূচীৰ পোনপটীয়া সম্প্ৰচাৰ...